Isaias 61
61
Phendol o braduipe e Israeleke
1O duo e Devleko si upral pe mande,
soke esvirisarda man o Del, bichalda man
te phenav e lachi viasta e dukhadenge,
te uliu e duk katar e lie dukhade
te phenav e katar o mukliardipe e phanglenge,
ta te phenav golenge kai si ando phandipe
kai ka aven mukliarde,#Mt 11.5; Lk 7.22.
2te phenav katar o lacho burs e Devleko
ta o llive kai o Del ikanda pi joli
ta dia zor sa golen kai si ande zalba,#Is 57.18; Mt 5.4; Lk 4.18-19.
3te phenel te den liubao e llenen katar o Sion
kai si dukhade a na te muken len ando prajo,
te den len blagosipe a na zalosno,
te aven ucharde katar e veselia,
a na te avel lengo duo tristome,
ta ka thoven lengo anav kasta chachimake
thode te barion e Devletar ta te blagosin le.
4Ka vazden e zidura purane kai sea phage
ta ka thoven pe porrne o purvo phagipe,
ta ka lacharen e forura phage,
o phagipe katar but porodura.
5E llene katar aver phuvia
ka arakhen tumare bakren
ta e llene avere phuvienge ka arakhen
tumari phuv ta tumare drakha.
6Ta tumen ka aven ikharde
popura e Devleke bichalde
ka aven ikharde bichalde katar amaro Del,
ka jan katar o barvalipe e phuviengo,
a pala lengo blagosipe tumen ka aven glamne.
7Pala e dui droma kai sena ando lallao
ka blagosin tumen ande tumari phuv,
goleke tumari phuv ka avel blagosime
dui droma, ta tumari veselia ka avel ostade.
8Soke me o Del, voliu o chachipe
ta murziu po choripe ta po kojaipe,
goleke ka dav len zor ando chachipe
pe so cheren, ta ka achav lenchar
pe iek alav ostade.
9Ta lengo porodo ka avel pinllardo
maskar e phuvia, ta lenge chaurre
ka aven pinllarde maskar forura,
kogo ka dikhel len, ka llanen kai si vicha
blagosime e Devletar.
10But zurale ka veseliu man ando Del
mo lio ka veselilpe ando Del,
soke furiada man ande patave braduimake,
thoda pe mande iek gertachi chachimako
lacharda man sargo iekhe terne kai zinilpe
ta sargo bori lachardi kai si pe late o sunakai.#Lk 1.46-47; Apo 21.2.
11Soke gia sar likel katar e phuv
o purvo zelenipe, ta gia sar ando vostano
barion e simiche, isto gia o Del ka cherel
te likel o chachipe ta o blagosipe
angla sa e phuvia.
Currently Selected:
Isaias 61: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
