Ebreos 3
3
O Jesus ta o Moises
1Goleke phlalalen, tumen kai sen katar o foro santo, kai sen ikharde e Devletar te aven leke, thoven sama ko si o Kristo Jesus, vou si o Apostol ta o mai baro popo, kai fala leke si amen gava pachape. 2Soke o Jesus saia chacho e Devlea, goleke thoda le pe gaia buchi, gia sar o Moises saia chacho pe buchi kai o Del dia le te pomozil pe suako ezgoda leke foro.#Nm 12.7. 3A o Del dia mai but liubao e Jesuse neko e Moisese, isto gia sar iek lleno kai cherel iek cher den le mai but liubao neko isto e chere. 4Suako cher morabi te avel cherdo varekatar; a o Del si kai cherda suako ezgoda kai si. 5Goleke, o Moises sar saia esluga chacho e Devleko, pomozisarda leke foro isto gia sar phenda leke te pomozil, ta leko rado saia te phenel e alava kai o Del saia te phenel mai angle. 6A o Kristo, sar si o Chavo chacho po foro e Devleko, kai sam isto amen, te pachaia sa amare liea ando pachape ta ande veselia kai adurichara.
Phenel amenge te ava chache
7Goleke phenel gia o Santo Duo ando Pisipe:
Te asunena allive e Devleko avazi
8Na zuriaven tumaro lio sargo gola kai ni kamle te kanden
ta zumavena e Devle po pusto.
9Kote thode man ando zumadipe tumare purane,
i kana dikhle so me cherdem ande saranda burs.
10Goleke jolailem gole vichaia,
ta phendem: jasarde llan ande po lio,
ta ni kamle te sikon me droma.
11Goleke jalem sovel ande mi joli#Sal 95.7-11.
kai ni ka mukau len te den ando Kanaan te chinion katar po rado.
12Phlalalen, arakhen tumen te na avel ande ni iek lleno maskar tumende iek lio bilacho kai ni pachal ta te duriol katar o Del o llundo. 13Goleke, den tumen zor iek avere suako llive, so achela gole llivesetar kai del orba ando Pisipe, te na kojavel nika tumendar o bilachipe ta tumaro lio te na cherdol iek lio kai ni kandel. 14Si amen iek than e Kristoia te na jasardam o pachape, gua pachape kai saia amen mai anglal. 15Goleke phenel gia ando Pisipe:#Sal 95.7-8.
te asunena allive e Devleko avazi,
na zuriaven tumaro lio sargo gola llene
kai ande gola llivesa
zuriarde po lio te na kanden.
16¿A ko sea gola llene kai zuriardea po lio ta ni kamle te kanden kana asundea e Devleko avazi? Gola si sa e llene kai o Moises ikandaia katar o Ejipto. 17¿Kaia saia joliariko o Del saranda burs? E llenenchar kai cherde o bilachipe, ta lenge esnage achile mule po pusto. 18Ta o Del jala lenge sovel, kai ni ka den ando Kanaan, gola alava sea golenge kai ni kandie.#Nm 14.1-35. 19Ta de istina von nasti nakhle ando Kanaan soke ni pachaie.
Currently Selected:
Ebreos 3: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
