Ebreos 2
2
Gia baro braduipe
1Goleke morabi te thova mai but sama e alavenge kai asundam katar o braduipe te na duriva katar o drom e Devleko. 2A e orba kai phende e suechura kai o Del bichalda saia zurali sargo zakono, ta gola kai cherde o bilachipe ta ni kandie gola alava lie e duk prema e ezgode kai cherde. 3¿A sar ka nasa amen te na thodam sama katar gava braduipe kai si gia baro? 4Ta o Del sikada amenge ande sa e bare ezgode Devlikane kai so phenda si chachipe ta dia o Santo Duo kai e llene kai vou mangla.
O Jesus braduil amen
5A o Del ni thoda e suechonen te gazdarin pe phuv kai amen phena kai ka zivi mai angle. 6Soke ando Pisipe phenel gia:
¿So si o manus?
¿Soke de tut golli leke ta brigi tut cheres lete?
7Cherdan le cherricha mai minono neko e suechura,
dian le iek korona barimaki ta liubaoki,
ta cherdan te gazdaril pe sa e ezgode kai cherdan.
8Goleke, sar cherda le te gazdaril pe sa so cherda, o Del ni mukla niso te na achel avri katar leko gazdaripe. A amen ni dikhlam te gazdaril pe sa e ezgode.#Sal 8.4-6. 9A akana dikha e Jesuse kai o Del cherda le cherricha mai minono neko e suechura samo cherricha vreme, kai si le e korona barimaki ta vou gazdaril pala o meripe kai nakhla. Ta o Del ande po volipe, mangla te llanel o Jesus so si o meripe pala o lachipe saurrengo:#Flp 2.6-11; Ebr 12.2.
10Pala o Del si sa ezgode cherde ta sa ezgode si leke, soke o Del mangel sa leke chaurre te avel len iek than ande leko baripe. Goleke ande patnia saia te cherel e Jesuse chacho pala o lachipe saurrengo. 11Soke sa gola kai volin ta kanden e Devle si leke chave. Goleke o Chavo e Devleko ni lallal te ikharel len phlal, 12kana phenda ando Pisipe:#Sal 22.22.
Ka dav orba chiri me phlalenge,
ta ka llilabau chuke llilia Devlikane ando cher e Devleko.
13Ta i phenel gia:#Is 8.17-18.
ka avel man vera ande lete.
Ta pale phenel:
Kate sem e chaurrenchar kai o Del dia man.
14Gia, sar iek vicha si katar iek mas ta katar iek rat manuseko, isto gia o Jesus cherdilo mas ta rat manuseko, ta gia te sai dobil pe merimaia gole kai saia le e zor te sai mundarel, gava si o llavolo. 15Ta pe merimaia mukliarda len katar o phandipe sa golen kai pala e dar katar o meripe zivin sargo esluge sa po zivoto. 16Soke chachimaia o Jesus ni avilo te pomozil e suechonen, vou avilo te pomozil e Abraameki vicha. 17Ta te sai pomozil len saia te cherdol sargo von. Goleke soke cherdilo sargo amen, sai cherdilo o mai baro popo kai ande lete sai avel e manuse vera, soke si pherdo volipe te radil e Devleke, ta pala leko meripe cherda o Del te prostil amen katar amaro bilachipe. 18Ta sar isto vou nakhla goia duk ta o llavolo zumavela le te sai cherel le te perel ando bilachipe, akana kana o llavolo zumavel amen, o Jesus sai pomozil saurren.
Currently Selected:
Ebreos 2: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
