Ebreos 12
12
Thode amare akha po Jesus
1Goleke amen sar si truial amendar pe gachin llene kai sikade po pachape, muka pe iek rig sa so achavel amen ta o bilachipe kai phariavel amen, ta prasta zoriaia po drom kai si amen angle. 2Morabi te dikha po Jesus, soke letar avel amaro pachape ta vou si kai bariarel le. O Jesus terpisarda o krusto, ta ni thoda sama po lallao katar gua meripe, soke llanela kai pala e patnia ka avel le e dragostia ta e veselia. Ta beslo pe rig e chachi e Devleki ande leki charoina.#Flp 2.6-11; Ebr 2.9.
3Goleke mislin tumen so sai sikon katar o Jesus kai jala gia bari patnia katar e bilache llene. Goleke na chinion ta na triston tumen. 4Soke tumen ni ios ni terpin o bilachipe llik kai o meripe, 5tumen bristrailen so phenel tumenge o Del sargo pe chaurrenge. Gia phenel ando Pisipe:
Thou sama, bre chaurrea
kana o Del sikavel tut,
ta na tristosao kana vou del pe tute.
6Soke o Del sikavel gole kai vou volil,#Job 5.17; Pr 3.11-12.
ta del pe gua lleno kai lel le sargo pe chaurre.
7A tumen te nakhen patnia akana, gua si soke o Del volil tumen ta mangel te sikavel tumen sargo chaurren. ¿A si varesavo chaurro kai leko dad ni sikavel le? 8A o Del te na sikavel tumen gia sar sikavel sa pe chaurren, a te avelpe gia, tumen ni avilena chachimaia leke chaurre. 9Kana sama minone, amare dada kate pe phuv sikavena amen, ta amen daia len liubao. Goleke, ios mai but morabi te kanda amare Devle kai si amaro Dad, kai si ando miloso te sai la o zivoto. 10Amare dada kate pe phuv sikavena amen pe gava zivoto kai si le cherricha vreme, soke von mislinape kai gua saia mai lache te cheren, a o Del sikavel amen pe amaro chachuno lachipe te sai cherel amen sante sargo vou. 11Chachimaia, kana den pe amende ondaka inai amenge drago soke dukhal amen; a amen te sikilam, mapalal del amen iek zivoto kai si le pas ta chachipe.#Dt 8.5; 1 S 7.14; 1 Kor 11.31-32.
12Goleke, zuriaven tumare chinie va ta i tumare changa kovle,#Is 35.3. 13ta roden o drom orta te prasten, te sai sastol o porrno bango ta te na bangol ios.
Inllaren iek zivoto chacho
14Roden e pas saurrenchar ta e santidad, soke bi golea niko ni ka dikhel e Gazda. 15Na muken nika te duriol katar o volipe e Devleko, ta na muken nika te achavel averen maskar tumende, soke gua sai dukhavel tumen ta sai mundarel tumen sargo iek drab kai mundarel.#Dt 29.18. 16Niko tumendar te na cherel o kurvaluko, ta te na mukel pe iek rig e Devle sargo o Esau, kai pala iek jape bichinda so saia te avel leko, soke vou saia o chavo mai purano.#Jen 25.29-34. 17Ta tumen llanen kai mapalal kana mangla te lel o blagosipe pe dadeko leko dad ni kamla. O Esau rovda but, a goia ezgoda nasti lachardola.#Jen 27.30-40.
18Soke tumen ni avilen pasa iek burdo sargo e israelitura, kai sai istardola ta sai dikhola, ta kote saia iag o truniariko e tufina ta iek bari balav; 19ta ni asunden sar basela e tuturuga ni o avazi e Devleko. A gola kai asunde gua avazi molisaile te na del orba ios lenchar,#Ek 19.16-22; 20.18-21; Dt 4.11-12; 5.22-27. 20soke nasti terpina so phenela lenge te cheren, phenela gia: Kogo thovela po porrno po burdo morabi te mundaren le e barrenchar o e jarnienchar avela manus o zivirinia.#Ek 19.12-13. 21Gia darano saia so dikhola, kai isto o Moises phenda:#Dt 9.19.
Izdrav daratar.
22A tumen avilen kai o burdo katar o Sion, ta kai o foro katar o Del o llundo, o Jerusalem kai si ando miloso, kote si but milie suechura kai blagosin e Devle, 23ta i e purve chaurre e Devleke kai si pisime ando miloso. Avile pasa o Del, o Del kai ka chinel e kris saurrenge, ta kai cherel e duura e manusenge te aven orta, 24avile pasa o Jesus, ta den tumen golli kai cheres lete achilam pe iek neve alava soke pala o rat e Jesuseko kai perada kana mulo sam prostime katar amaro bilachipe, ta leko rat si mai lacho neko e Abeleko.#Jen 4.10.
25Goleke arakhen tumen ta thoven sama goleke kai del pe tumende. Soke gola kai ni thode sama goleke kai dela pe lende kate pe phuv, nasti nasle. A sar ka nasa amen te diam e zea gole kai del pe amende katar o miloso.#Ek 20.22. 26Ande gua vreme, o avazi e Devleko cherda te izdral e phuv, a akana phenel:#Jag 2.6.
Iek drom ios ka cherav te dermolpe e phuv, ta na samo e phuv na samo e phuv, i o miloso. 27Ta kana phenda:
Iek drom ios, mangla te phenel kai vou ka ikanel e ezgode kai cherde ta kai sai miskonpe ta ka achen e ezgode kai nasti miskonpe. 28Goleke da fala e Devle soke e charoina kai del amen nasti miskolpe. Goleke morabi te blagosi e Devle volimaia gia sar si leke drago liubaimaia ta daraia. 29Soke amaro Del si iag kai zatril.#Dt 4.24; 9.3; Mt 3.12; 2 Ts 1.7-8.
Currently Selected:
Ebreos 12: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
