Ebreos 11
11
O pachape e phurego
1O pachape si e vera kai ka la so adurichara, o pacha ande ezgode kai ni dikha. 2Goleke die lachi orba katar amare purane soke saia len pachape.
3Ta pala o pachape amen llana kai o Del cherda e phuv ta sa so si ando miloso ta so amen dikha akana cherdilo katar so ni dikhola.#Jen 1.1; Sal 33.6,9; Jn 1.3.
4Pala o pachape, o Abel dia mai lacho kurbano e Devle neko o Kain, goleke o Del phenda kai vou saia chacho ta o Del mangla te lel so diaia le o Abel. A o Abel si mulo ta llik akana sai sikiva katar leko pachape ando Del.#Jen 4.3-10.
5Pala o pachape o Enok avilo inllardo llundo te na pinllarel o meripe ta ni marakhle le ios, soke o Del inllarda le, ta e Devleke alava phenen kai mai anglal te avel inllardo, o Enok kandiaia e Devle.#Jen 5.21-24. 6Soke te na avel amen pachape nasti ava drago e Devleke, soke te ava pasa o Del morabi te pacha kai istina si o Del ta kai pomozil golen kai roden le.
7Pala o pachape o Noe kana o Del phenda leke kai ka avenpe ezgode kai ande gola llivesa ni dikhona, vou kandia ta cherda goia bari llimia te sai braduil pe familia. Ta isto pala gua pachape, o Noe dosarda e sueto ta lia o chachipe kai lelpe cheres o pachape.#Jen 6.13-22.
8Pala o pachape o Abraam kana o Del ikharda le, vou kandia ta likisto te llal kai e phuv kai o Del phendaia kai ka del le, a o Abraam ni llanela kai ka llal ta kandia e Devle.#Jen 12.1-5. 9Ta pala o pachape kai saia le zivisarda sargo iek lleno avere phuviengo isto ande phuv kai o Del phendaia leke kai ka del le. Ta zivisarda ande chare, sargo o Isaak ta o Jakob, kai i lenge o Del phendaia kai ka del len goia phuv.#Jen 35.27. 10Soke o Abraam pachala kai iek llive ka dikhel gua foro kai o Del chinadaia te cherel ta kai vazdia pe iek than zuralo.#Ebr 13.14.
11Ta pala o pachape kana e Sara nasti avena la minone ta o Abraam saia but phuro, o Abraam lia zor e Devletar te sai avel dad, soke pachaia kai o Del ka cherel so phendaia leke.#Jen 17.19; 18.11-14; 21.2; Ro 4.17-22. 12Goleke o Abraam i kana saia pasa po meripe, avilale bari vicha sargo e cheraia e milosoke ta sargo e chisai kai si pasa e mora, kai nasti llindol.#Jen 15.5; 22.17; 32.12. 13Sa gola llene mule ta ni lie e ezgode kai o Del phendaia kai ka del len; ta pala o pachape kai saia len von dikhle len duratar, ta veselisaile ta dikhle isto von pe, sargo llene avere phuvienge kai samo nakhen katar gaia phuv.#Jen 23.4; 1 Kr 29.15; Sal 39.12. 14Ta e llene kai phenen gaia ezgoda gale alavenchar, achardol kai von llik akana roden iek phuv. 15A te mislisailea ande phuv katar von likistea von te manglea sai irisailea incha. 16A von rodena iek phuv mai lachi, kai si ando miloso. Goleke o Del ni lallal te avel lengo Del, soke vou lacharda lenge iek foro.
17Ta pala o pachape, o Abraam kana o Del zumada le, lia e Isaake te del le kurbano. Ta mangela te del pe edine chave, a o Del diaia le po alav ta phendaia leke:#Jen 22.1-14. 18Katar o Isaak ka avel tut iek vicha.#Jen 21.12. 19Gava si soke o Abraam llanela kai e Devle si le e zor i te vazdel e mulen; goleke gua pachape e Abraameko cherda te na mundarel pe chaurre ta gava saia sargo kana o Isaak pale zivisarda.#Jen 22.13. 20Pala o pachape o Isaak blagosisarda e Jakobo ta e Esaule pala e ezgode kai saia te aven mai angle.#Jen 27.27-29,39-40.
21Pala o pachape, o Jakob kana saia po meripe dia po alav e duie chaurrenge katar o Jose kai o Del ka blagosin len, ta istardilo pe pi rovli ta blagosisarda e Devle.#Jen 47.31—48.20.
22Pala o pachape, o Jose kana saia pase te merel phenda kai e israelitura ka liken mai angle katar o Ejipto, ta mukla alava so te cheren leke kokalenchar.#Jen 50.24-25; Ek 13.19.
23 #
Ek 1.22. Pala o pachape, kana biandilo o Moises, leki dei ta leko dad gurude le trin chon, soke dikhle kai o minono saia sukar ta ni daraile katar e alava kai phendaia o charo te mundaren sa e minonen.#Ek 2.2.
24Ta pala o pachape o Moises kana barilo ni kamla te ikharen le chaurro katar e chei e charoki;#Ek 2.10-12. 25Vou mangla te maren le gia sar marena e llenen kai sea katar o foro e Devleko, a na te avel ando bilachipe kai nakhel. 26Leke mola mai but te nakhel e patnia kai saia te nakhel o Mesias neko o barvalipe katar o Ejipto.
27Pala o pachape o Moises llelotar katar o Ejipto, ta ni darailo katar e joli e charoki; ta saia zuralo pe so mangela te cherel, sargo kana dikhela e Devle kai nasti dikhol.#Ek 2.15. 28Pala o pachape o Moises thoda e sinia e paskuaki ta phenda te makhen e udara e ratea ta gia o suecho e merimako te na mundarel ni iekhe purve chaurre kai biandilo ande suako familia katar e israelitura.#Ek 12.21-30. 29Pala o pachape e israelitura nakhle e Mora e Loli sargo pe phuv e suki; ta mapalal kana e ejipsiura mangle te nakhen, von tasile.#Ek 14.21-31.
30Pala o pachape peradinaile e zidura katar o foro o Jeriko, kana e israelitura phirde truial o foro efta llive.#Jos 6.12-21. 31Ta pala o pachape, e Rahab e kurvichka, ni muli e llenenchar kai ni kandie, soke voi pomozisarda e llenen katar o Israel kai diea ando foro po chorial.#Jos 2.1-21. 32#Jue 4.6—5.31.#Jue 13.2—16.31.#Jue 11.1—12.7.#1 S 16.1—1 R 2.11.#1 S 1.1—25.1.¿So mai but ka phenav? ni ka avel man vreme te dava orba katar o Jedeon, katar o Barak, katar o Sanson, katar o Jefte, katar o David, katar o Samuel ta katar e poraukura.#Jue 6.11—8.32. 33Pala o pachape dobisarde phuvien, inllarde o chachipe, ta lie so o Del phendaia lenge kai ka del len, phangle e muia e lionenge,#Dn 6. 34mundarde bare iaga, nasle te na aven mundarde katar o jarni, Ikande zor katar o kovlipe, ta resle te aven zurale po maripe, ta dobisarde avere llenen kai marenape ta sea lenge dusmanura.#Dn 3. 35Sea nesave diskinie kai pachaie ando Del, goleke o Del vazdia katar o meripe lenge familia.#1 R 17.17-24; 2 R 4.25-37.
Aver ni kamle te mukliaren len ta mule ande patnia, te sai usten katar o meripe ta te zivin iek zivoto mai lacho. 36Aver nakhle patnia soke marena espurnia lendar ta marena len e bichoia, ta phandena len e lanchonenchar ande rubie.#1 R 22.26-27; 2 Kr 18.25-26; Jer 20.2; 37.15; 38.6. 37Ta averen mundarde e barrenchar, averen chinde len po dopas o mundarde len e jarnienchar; a aver llana pe iek rig ta pe aver ta lenge patave sea cherde katar e morchi e bakrengi ta busniengi; sea chorre dukhade ta mardine.#2 Kr 24.21; Jer 26.23. 38Gala llene sea gia lache, kai gaia gava sueto ni saia prema lende. Ni saia len kai te llan, phirena po pusto, pe burdura ta katar o putardipe e phuviako.
39O Del saia veselo sa gale llenenchar soke saurre pachaie ande le, a niko lendar ni lia so o Del phendaia kai ka del len; 40a gua saia soke o Del chinadaia iek ezgoda mai sukar, te sai la i amen so vou phendaia kai ka del. O Del ka cherel chache gole llenen kana ka cherel amen chache.
Currently Selected:
Ebreos 11: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
