Galatas 1
1
O Pablo pisil e Galatasenge
1Me o Pablo ni sem bichaldo e manusendar ta ni sem thodo lendar te cherav gaia buchi, isto o Jesukristo bichalda man, ta o Del o Dad kai cherda e Jesuse te ustel katar o meripe, 2me ta sa e phlal katar e khanlliri kai si manchar bichala salami sa e llenenge katar e khanllira kai si ande Galasia. 3O Del amaro Dad ta o Gazda o Jesukristo, te del tumen katar po volipe ta katar pi pas. 4O Jesukristo diape kurbano cheres amaro bilachipe, te braduil amen katar o bilachipe kai si akana ande gava sueto bilacho, soke gia mangla amaro Del ta Dad.#Mt 20.28; Mk 10.45; 1 Ti 2.14. 5¡Blagosime te avel o Del ostade! Gia te avelpe.
O Pablo chudilpe
6Me chudisailem but tumendar soke durilen gia oma katar o Del kai ikharda tumen ta sikada po volipe e Kristoia, a tumen akana pachaien ande aver viasta. 7O chachipe si kai inai aver lachi viasta. So llalpe kote si kai aver llene thoven aver mislura maskar tumende ta mangen te pharruven e lachi viasta e Jesukristoki. 8A vareko te inllarela maskar tumende aver viasta kai inai sargo gaia kai amen phendam tumenge, proketo te avel e Devletar, i te avava isto me o iek suecho katar o miloso. 9Pale ka phenaule tumenge: Vareko te phenela tumenge aver viasta kai inai sargo goia kai lien, proketo te avel e Devletar.
10Me ni rodau te avav drago e llenenge, me rodau te avav drago e Devleke. Ni rodau te achav lacho e manusenchar. ¡Te rodiema te achav lacho e manusenchar, ni avilema iek esluga e Kristoko!#1 Ts 2.4.
11Phlalalen, mangav te llanen iek ezgoda:
E lachi viasta kai me phenav tumenge ni cherdala nisavo manus. 12Ni liemla ta ni sikilemla katar ni iek manus, isto o Jesukristo sikadala mange.
13Tumen asunden so cherava omanglal kana pachava sargo e judiura ta sar llava silnomaia te marav e llenen kai sea katar e khanlliri e Devleki ta sar mangava te zatriv la.#Ech 8.3; 22.4-5; 26.9-11. 14Cherava sa so cherena e judiura ta i mai but neko e llene kai sea ande me burs, soke kandava sa e zakonura amare puranenge.#Ech 22.3. 15A o Del volisarda man pe gachin kai esvirisarda man kana me ni sema ni biando ta ikharda man soke o Del si but lacho, 16ta sikada mange ko saia leko Chavo te inllarav leki viasta maskar e llene kai inai judiura.#Ech 9.3-6; 22.6-10; 26.13-18. 17Ta ni llelem ando Jerusalem kai e llene kai sea apostolura mai anglal neko me. Me sigardem te avav ande Arabia ta mapalal irisailem ando Damasko.
O Pablo ta ogola apostolura
18Nakhle trin burs ta mapalal llelem ando Jerusalem te pinllarav e Pedro ta achilem lea desupanch llive.#Ech 9.26-30. 19A ni dikhlem ni iekhe katar ogola apostolura samo e Santiago o phlal e Gazdako. 20Angla o Del phenav kai so pisiv tumenge si o chachipe.
21Mapalal llelem karing e phuv katar e Siria ta e Silisia. 22A e llene kai sea katar e khanlliri e Kristoki ande Judea ni dikhlea man nikada. 23Von samo asundea kai omanglal rodava te mundarav len, a akana isto me phenav goia lachi viasta kai omanglal mangava te zatriv. 24Ta blagosina e Devle pala so cherda o Del manchar.
Currently Selected:
Galatas 1: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
