Ezekiel 38
38
E poroka katar o Gog
1O Del dia manchar orba ta phenda mange: 2Chavo e manuseko, thov tut angla o Gog ande phuv katar o Magog, o glamno charo katar o Mesek ta o Tubal, ta phen iek poroka pe lete,#Apo 20.8. 3Ta phen:
Gia phenda o Del o Gazda:
Me sem joliariko pe tute, Gog, glamno charo katar o Mesek ta o Tubal. 4Ta ka phagav tut ta ka thovav sastrura ande che falke ta ka ikanav tut ta sa che boñikonen, grasten ta llenen kai llan pe gra, but llene lacharde e marimake pe suako ezgoda, eskudura ta ande suakoneko va iek jarni. 5Ta lenchar e Persia, o Kus ta o Fut, saurre sea len eskudura ta challa sastrune. 6O Gomer ta sa leke boñikura, e llene katar o Togarma, duratar katar o norte, ta sa leke boñikura, but forura si tuia. 7Lachar tut ta arak tut, tu ta sa e llene kai chidinaile pala tu, ta arak len tu. 8Ka nakhel but vreme ta ka avav tute, ka nakhen bursa ta ka ave kai e phuv braduime katar o jarni, ikandi katar but forura, kai e burdura katar o Israel, kai sa o vreme sea iek zatrania, a avilo ikando katar e forura, ta saurre ka zivin bi nuzdako. 9Tu ka like ta ka ave sargo o bursin, sargo oblakura kai ucharen e phuv, gia ka ave tu ta sa che boñikura, ta but forura ka aven tuia.
10Gia phenda o Del o Gazda:
Ande gola llivesa ka aven chuke ezgode ande cho soro ta mislura bilache, 11ta ka phene:
Ka avav pe iek phuv kai ni arakhelpe, ka avav pe llene kai si esmiro kai zivin bi nuzdako, inai len zidura, ta inai len alkave ni udara, 12te chorav lenge ezgode ta te lav mange so si len, te thove che va pe phuvia kai sea puste ta akana zivin llene, ta po foro kai si ikando katar e phuvia kai barion leke zivirinie ta si le ezgode, kai zivil po maskaral katar e phuv. 13O Saba ta o Dedan, ta e llene katar o Tarsis kai chinen ta bichinen ta sa lenge sudura, ka phenen chuke:
¿Avilan te chore amen? ¿Chidian che llenen te le amare ezgode, amaro rup ta sunakai, te le amare zivirinie ta so si amen ta che chore but ezgode?
14Goleke porokisar, chavo e manuseko, ta phen e Gogeke:
Gia phenda o Del o Gazda:
Ande gua vreme, kana mo foro o Israel ka zivil bi nuzdako, ¿ni ka llanele tu? 15Tu ka ave katar cho than, katar e phuvia katar o norte, tu ta but forura ka aven tuia, saurre von ka aven pe gra but llene ta boñikura. 16Ta ka lla pe mo foro o Israel sargo oblako te uchare e phuv, dui llive ios, ta ka anav tut pe mi phuv te sai pinllaren man e phuvia, ondaka ka avav blagosime ande tute Gog, angla lende.
17Gia phenda o Del o Gazda:
¿Ni san tu u kai diem tutar orba omanglal katar me sluge e poraukura katar o Israel, kai porokisarde gola llivesa kai me ka anav tut pe lende?
E duk katar o Gog
18Ande gua vreme, kana ka avel o Gog po foro katar o Israel, o Del phenda, ka likel mi joli ta mo silnope. 19Soke diem orba ande mi joli ta ande iag katar mi joli phendem:
Ande gua vreme e phuv ka dermolpe surale ando Israel, 20ta e mache kai si ande mora, e chiriklia e milosoke, e zivirinie pe umalia ta suako sap kai terrilpe pe phuv, ta sa e manusa kai si pe sa e phuv, ka izdran angla mande, ta e burdura ka drobonpe ta e jar ka phagol, ta suako zido ka perel pe phuv. 21Katar sa me burdura ka ikharav llenen e jarnienchar, ta ka marenpe iek averea. 22Gia si, Gog:
Me ka dukhavav tut e merimaia ta e gadomaia, pe lete ta pe but forura kai si lea, ka cherav te delpeke pe lende baro bursin, ta bare krupe sargo barra, iag ta asufre. 23Ta ka avav bariardo ta blagosime, ta ka avav pinllardo angla but phuvia, ta ka llanen kai me sem o Del.
Currently Selected:
Ezekiel 38: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
