Ezekiel 28
28
E poroka po charo katar o Tiro
1O Del dia manchar orba ta phenda mange: 2Chavo e manuseko, phen e charoke katar o Tiro:
Gia phenel o Del:
Cho lio pherdilo baripe, ta phendan:
Me sem iek del, po trono e Devleko besav
po maskaral katar e more,
a tu san iak manus ta sin Del,
a mislisailan kai sana o Del.
3Tu san mai bizai neko o Daniel,
ta chuke inai gurudini ni iek ezgoda,
4che bizaimaia ta che llanglimaia
chidian but barvalipe,
ta si tut sunakai ta rup ande cho barvalipe.
5Che bare bizaimaia
cherdan but barvalipe ande chi buchi,
ta pala cho barvalipe dia o baripe ande cho lio.
6Goleke, gia phenda o Del:
Soke thodan cho lio sargo o lio e Devleko,
7ka anav pe tute llenen katar aver phuvia,
e llene zurale katar e phuvia,
kai ka ikanen po jarni
po sukaripe katar cho bizaipe,
ta ka makhen cho baripe.
8Ka cheren te pere ando limori,
ta ka mere sargo gola kai meren ande mora.
9¿Ka de orba angla gua kai ka mundarel tut
ta ka phene:
Me sem Del?
Tu ni san Del, tu san manus
ando va goleko kai ka mundarel tut.
10Ande va katar e llene avere phuvienge
Ka mere sargo gola kai ni cherde e sirkunsision,
soke me diem orba, gia phenel o Del o Gazda.
Llili zalosni pala o charo o Tiro
11O Del dia manchar orba ta phenda: 12Chavo e manuseko, llilabe e charoke o Tiro, ta phen leke:
Gia phenel o Del:
Tu sana o sello katar so si tamam,
but bizai ta but sukar.
13Ando Eden, ando vostano e Devleko sana,
che patave sea cherde katar e mai e mal lache,
katar e kornerina, o topasio, o jaspe, o krisolito,
o berilo ta o onise, katar o safiro, o karbunklo, e
esmeralda ta sa che ezgode sunakune,
sa saia lachardo chuke
ando llive kana avilan cherdo.
14Tu, kerubinbaro, kai arakhel,
me thodem tut po burdo e Devleko, kote sana,
maskar e barra phabarde phirea.
15Orta sana pe sa che droma
sar kana avilan cherdo,
lligo ni maladilo ande tute o bilachipe.
16Pala sa e bucha kai cherea
pherdilan bilachipe, ta cherdan o bilachipe,
goleke me tradiem tut katar o burdo e Devleko
ta chudiem tut katar e barra phabarde,
ioi kerubinkai arakhe.
17Pala cho sukaripe cho lio pherdilo baripe,
murisardan cho bizaipe soke sana glamno,
me ka chudav tut pe chik, angla e charura
ka thovav tut te dikhen pe tute.
18Pala cho baro bilachipe
ta pala o bilachipe katar che bucha
dian ando lallao che santuariura,
goleke cherdem te likel tutar iag,
ta phabarda tut ta thodem tut ando prajo
upral pe phuv angla sa e llene kai dikhen pe tute.
19Sa gola kai pinllarena tut maskar e phuvia
chudinape tutar, ka ave o chudo,
ta nikada ios ni ka ave.
E poroka po Sidon
20O del dia manchar orba ta phenda mange:#Jl 3.4-8; Zak 9.1-2; Mt 11.21-22; Lk 10.13-14. 21Chavo e manuseko, lla angla o Sidon ta phen iek poroka pe lete, 22Phen gia:
O del o Gazda phanda gia:
Me sem joliariko pe tute, Sidon,
ta po maskaral tutar ka avav bpagosime,
ta ka llanen kai me sem o Del,
kana ka chinav krisa ande tute,
ta ka avav blagosime.
23Ka bichalav pe lete nasualipe,
ka chordol o rat pe leke droma,
ta e llene ka meren po maskaral letar,
o jarni ka avel pe lete katar suako rig,
ta ka llanen kai me sem o Del.
24Ta nikada ios ni ka avel e Israeleke
iek kas karrnalo kai chinel o mas,
ni karrne kai pisaven,
maskar e llene kai si truial letar
kai den le ando lallao,
ta ka llanen kai me sem o Del.
25Gia phenda o Del o Gazda:
Kana ka chidel e llenen katar o Israel kai si rispime maskar e phuvia, ondaka ka avav blagosime ande lende angla e phuvia, ta ka zivin ande pi phuv, kai diem me sluga e Jakobe. 26Ta ka zivin ande late bi darako, ta ka vazden chera, ta ka thoven te bariol e drak, ta ni ka daran, kana me ka chinav kris pe sa gola kai lie lendar lenge ezgode pe thana kai si truial, ta ka llanen kai me sem o Gazda lengo Del.#Jl 3.4-8; Zak 9.1-2; Mt 11.21-22; Lk 10.13-14.
Currently Selected:
Ezekiel 28: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
