Ezekiel 19
19
Roipe pala e charura katar o Israel
1A tu, thov tut te rove pala e gazda katar o Israel.
2Ta ka phene:
¡Chi dei inzili maskar e lionura!
Sargo liona maskar e lionura
bariarda pe minonen.#Jen 49.9; 1 R 10.18-20.
3Ta cherda te likel iek katar lake minone,
cherdilo liono ta sikilo te istarel po jape,
ta te jal e manusen.
4Ta e phuvia asunde letar,
ta cherde te perel ende lengo kojaipe
ta inllarde le phanglo pe lanchura ando Ejipto.#2 R 23.30-34; Jer 22.10-12.
5Kana leki dei dikhla kai ni irilpe lako minono
lia avere katar pe minone
ta cherda le te avel iek liono divo.
6Ta llala maskar e lionura, cherdilo liono
ta sikilo te istarel po jape
ta te jal e manusen.
7Lela peke so saia ande bare chera,
ta mukela zatrime e forura,
ta e phuv achili pusti, ta saurre asunela
kana asunena gia zurale basela vou.
8Vazdinaile pe lete sa e forura kai sea truial
ta chudie pe lete pe mreze,
ta cherde le te perel ande iek putardipe ande phuv.
9Thode le maskar e sastrura
ta inllarde le phanglo e lanchonenchar
ta inllarde le kai o charo katar e Babilonia.
Thode le maskar e zidura
te na asundol leko avazi
pe burdura katar o Israel.#2 R 24.8-15; Jer 22.24-30.
10Chi dei saia sargo e drak maskar e drakha
thodi ande phuv pasa e paia, ta dela septelie
ta dela krangura soke sea but paia.
11Ta sea la krangura zurale
kai cherde lendar e rovlia e charonenge,
ta barili chak upre maskar e krangura
ta dikhili soke saia bari ta saia la but drakha.
12A silnomaia avili ikandi, chudini pe phuv,
ta e balav tati sukarda lake septelie,
phagle lake zurale krangura ta sukile
ta phabarda len e iag.
13Akana si thodi ande phuv katar o pusto,
ande phuv prajali ta suki.
14Ta likista iag katar e ran katar lake krangura
ta phabarda lake septelie
a ni achila pe late ni iek ran zurali
te cheren latar iek rovli charoki.#Ez 15; Ez 17.7-13; Is 5.1-4; Jer 2.21; 52.1-11.
Roipe si, ta roimake ka avel.
Currently Selected:
Ezekiel 19: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
