Ezekiel 18
18
So si te cherel suako lleno
1O del phenda mange gia: 2¿So phenen tumen, kai den orba katar o Israel ta phenen:
E dada jale e drakha sukle a e chavenge danda kirchin?#Jer 31.29. 3Dav tumen mo alav, phenel o Del, kai nikada ios ni ka phenen gola alava ando Israel. 4Sa e zivotura si murne, gia sar o zivoto e dadeko i o zivoto e chaveko, o lleno kai ka cherel o bilachipe, ka merel.
5Ta o manus kai ka avel chacho, ta cherela prema o chachipe so ta si orta, 6kai ni jal pe burdura ta te na dikhela dela katar o Israel, ta te na del ando lallao avereke rromia ta te na perela peke e diskiniaia kai avilo pe late lako chon, 7ta te na thovela ande nuzda nika, ta te iril goleke kai si unllile so mukla ando unllilipe, ta te na chorela avere ta del katar po marrno gole kai si bokhalo ta te del patave gole kai si nango,#Mt 25.35-40. 8te na lela chari kana dela unllile, gua kai ikanel pe va katar o bilachipe ta chinela iek kris chachi maskar dui llene, 9te phirela pe mo sikadipe ta te cherela so phenen me zakonura te cherel so si orta, e gava lleno si chacho, gava lleno ka zivil, gia phenenle o Del.#Lv 18.5.
10A te avela le iek chaurro chorano, kai mundarel, o te cherela varesavi katar gala ezgode, 11ta te na cherela ogola ezgode, samo ta jala pe burdura, ta te perel peke pe zor avereke rromiaia, 12te thovela ande nuzda e chorre, te cherel o choripe, te na irila e ezgoda kai die lete unllile, o te dikhela pe aver dela ta te cherela o gadope, 13te lela but love po unllilipe, ¿Ka zivil gava lleno? Ni ka zivil. Soke cherda gava gadope, ka merel pala piri dos.
14A gava lleno te avela le iek chaurro kai dikhel sa o bilachipe kai cherda leko dad, ta ni cherel i vou prema o bilachipe pe dadeko, 15a te na jal pe burdura ta ni dikhel pe aver dela katar e llene katar o Israel, ta ni cherel piri pe zor avereke rromia, 16ta ni thovel nika ande nuzda, ta ni achavel peke so lia po unllilipe ta ni cherel o choripe ta del te jar e bokhalen katar po marrno ta te del patave gole kai si nango, 17te duriol katar o bilachipe ta ni lel love kana del unllile, ta cherel prema me sakonura ta te llal prema mo sikadipe, gava lleno ni ka merel pala o bilachipe leke dadeko, ta vou ka zivil.
18A leko dad, pala o bilachipe cherda ta soke lia silnomaia so saia avereko ta maskar po foro cherda so inai lacho, vou ka merel pala piro bilachipe. 19A te phenela:
¿Soke o chavo ni ka inllarel o bilachipe pe dadeko? Soke o chavo cherda prema so si orta ta prema o chachipe, cherda sa me zakonura, goleke vou ka zivil. 20O manus kai cherela o bilachipe ka merel, o chavo ni ka inllarel o bilachipe e dadeko ta ni o dad e chaveko, o chachipe katar o chacho ka avel pe lete ta o bilachipe e bilacheko ka avel pe lete.#Dt 24.16.
O Del cherel e ezgode ando chachipe
Ez 33.10-20
21A o lleno bilacho te duriola katar sa po bilachipe kai cherda ta te cherela sa so phenen me zakonura ta te cherela prema so si orta ta prema o chachipe, gua lleno ka zivil ta ni ka merel. 22Sa e ezgode bilache kai cherda ka aven bristarde, pala o chachipe kai cherda ka zivil. 23¿Sai avela mange drago kai o lleno bilacho merel? phenel o Del o Gazda. ¿Ni ka zivil te duriola katar po bilachipe?#2 P 3.9.
24A o lleno chacho te duriola katar po chachipe ta te cherela o prema sa o gadope kai cheren e llene e bilache, ¿sar ka zivil? Ni ka avel leke llindo ni iek katar o lachipe kai cherda ta pala o bilachipe kai cherda ta soke ni kandia man ka merel. 25A te phenea:
E Devleko drom inai orta, asunen akana tumen kai sen katar o Israel:
¿Inai orta mo drom? ¿Inai bange tumare droma? 26Te duriola o manus katar po chachipe, ta te cherela o bilachipe, ka merel pala goia ezgoda, pala o bilachipe kai cherda ka merel. 27Te duriola o lleno bilacho katar po bilachipe kai cherda ta te cherela prema so si orta ta prema o chachipe, ka zivil. 28Soke dikhla ta durilo katar sa o bilachipe kai cherda, chachimaia ka zivil, ta ni ka merel.
29A te phenena pale e llene katar o Israel kai Inai orta o drom e Devleko, ¿inai orta o me droma manusalen katar o Israel? Chachimaia tumare droma inai orta. 30Goleke, me ka krisiu suakone prema lenge droma, manusalen katar o Israel, gia phenenle o Del o Gazda. Irin tumen ta durion katar sa tumaro bilachipe ta ni ka avel tumari belava pala tumaro bilachipe.#Job 34.11; Sal 62.11-12; Pr 24.12; Jer 17.10; Ez 33.20; Mt 16.27; Ro 2.6. 31Chuden tumendar sa o bilachipe kai cherden mange. Volisaren man pale. ¿Soke te meren foro katar o Israel?#Ez 36.26. 32Ni kamam te meren, irin tumen ta ka zivin, gia phenel o Del o Gazda.#Ez 33.11; 2 P 3.9.
Currently Selected:
Ezekiel 18: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
