Ezekiel 11
11
E duk katar o Jerusalem
1O duo vazdia man ta inllarda man kai o udar katar o cher e Devleko, pe rig katar likel o kham ta kai dikhel karing likel o kham ta po than kai delpe katar o udar sea bis ta panch murusa, ta maskar lende saia o Jaazanias chavo katar o Azur ta o Pelatias chavo katar o Benaia, von sea e gazda ando foro. 2Ta o Del phenda mange:
Gala si e llene kai mangen te murin ta den orba bilachi e llenenge ande gava foro. 3Von phenen gia:
Vazda chera soke e ezgode ni ka nakhen gia oma. Te si o foro e kavi, amen sam o mas.#Ez 24.1-14. 4Goleke phen iek poroka pe lende, poraukisar chavo e manuseko.
5Ondaka dikhlem upral pe mande o duo e Devleko, ta phenda mange:
Gia dian orba Israel, ta e ezgode kai tumen mislin, me llanav len. 6But llene mule tumenge ande gava foro, ta pe droma si pherdo llene mule. 7Goleke o Del o Gazda phenda gia:
Tumare llene mule kai tumen thoden po maskaral letar, von si o mas, ta o foro si e kavi, a me ka ikanav tumen letar. 8Darailen katar o jarni, ta o jarni ka anav pe tumende, gia phenel le o Del o Gazda. 9Ta ka ikanav tumen katar o Jerusalem ta ka dav tumen ande va katar e llene avere phuvienge ta ka chinav kris maskar tumende. 10Ka mundaren tumen e jarniea, ka krisiu tumen andre ando Israel ta ka llanen kai me sem o Del. 11O foro ni ka avel tumenge sargo kavi, ta ni tumen ni ka aven andre sargo o mas, ka krisiu tumen andre ando Israel. 12Ta ka llanen kai me sem o Del, soke ni phirden prema me zakonura, ta ni kandien mo sikadipe, soke tumen cherden prema sar cheren e phuvia kai si truial tumendar.
13Ta kana me porokiva, o Pelatias chavo katar o Benaias mulo. Ondaka thodem man inzardo ta mo mui llik pe phuv ta urkisardem bare avazea ta phendem:
¡Ioi Devla! ¿Ka zatri sa e llenen kai achen katar o Israel?
O Del phenenl kai ka del iek alav nevo
14Ta o Del phenda mange gia: 15Chavo e manuseko, che phlal ta che phea, e llene katar chi familia ta sa e llene katar o Israel, saurrenge phende e llene katar o Jerusalem:
Llantar katar o Del, amenge si dini e phuv te acha laia. 16Goleke phen:
Gia phenda o Del o Gazda:
Makar chudiem tumen dur maskar e phuvia, ta rispisardem tumen pe phuvia, me ka avav lenge iek minono santuario ande phuvia kai ka aven. 17Goleke phen:
Gia phenda o Del o Gazda:
Me ka lav len katar e forura, ta ka chidav len katar e phuvia kote kai ka aven rispime ta ka dav len e phuv katar o Israel. 18Ta ka irinpe kote, ta ka ikanen letar sa o pachape ande dela ta sa leko gadope. 19Ta ka dav len iek lio nevo, ta thovav ande lende iek duo nevo, ka ikanav lendar o lio barrustuno ta ka dav len iek lio maseko,#Sal 51.10. 20te sai llan prema mo sikadipe ta te guruven me zakonura ta te cheren len ta te aven mo foro, ta me te avav lengo Del.#Ez 36.26-28. 21A gola kai lengo lio llal pala lenge dela ta pala lengo gadope, me ka cherav te perel pe lengo soro sa so cheren, gia phenel le o Del o Gazda.
E zor e Devleki duriol katar o Jerusalem
22Mapalal e kerubinura vazdie pe pakha ta e tochkura kai llana lenchar ta e zor katar o Del e Israeleko saia upral pe lende. 23Ta e zor e Devleki furiai katar o maskar e foroko ta achili upral po burdo kai si pe rig e foroki kai likel o kham.#Ez 10.1-22; 43.2-5. 24Mapalal o duo inllarda man pale sargo ande iek suno katar o duo e Devleko ando foro katar e kaldeura, kai e phangle. Ta llelotar mandar o suno kai dikhlem. 25Ta diem orba e phanglenge sa e ezgode kai o Del sikadaia mange.
Currently Selected:
Ezekiel 11: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
