Ezekiel 10
10
E zor e Devleki llaltar katar o cher e Devleko
1Ta dikhlem kai upral po putardipe kai saia upral pe sore katar e kerubinura saia sargo iek barr vuneto, kai saia sargo iek trono kai sikadilo upral pe lende.#Ez 1.26; Apo 4.2. 2Ta dia orba o murus kai saia furiado ando lino, ta phenda:
De po maskaral katar e tochkura telal katar e kerubinura ta le ande che va e angara phabarde kai si maskar e kerubinura ta rispi len upral po foro. Ta vou dia angla me akha.#Apo 8.5.
3Ta e kerubinura sea pe rig e chachi katar o cher e Devleko kana o murus dia andre, ta o oblako pherda e bar kai si andre. 4Ondaka e zor e Devleki furiai upral po kerubin ta resli upral po udar, ta o cher e Devleko pherdilo katar o thuv ta e bar pherdili villelo katar e zor e Devleki.#Ez 16.10; 24.16; Nm 10.34. 5Ta e pakha katar e kerubinura basena gia zurale kai asundona llik kai e bar kai si avri, sargo o avazi katar o Del kai si le sa e zor kana del orba. 6Ondaka kana o Del phendilo e muruseke kai saia furiado ando lino:
Le katar e iag kai si maskar e tochkura katar e kerubinura, vou thodape pe porrne maskar e tochkura. 7Ta iek katar e kerubinura inzarda po va po ande iag maskaral lendar ta thodala ande va goleke kai saia furiado ando lino, vou lia e iag ta llelotar. 8Ta pe kerubinura dikhilo iek va manuseko telal katar lenge pakha. 9Ta dikhlem star tochkura pasa e kerubinura, pase katar suako kerubin saia iek tochko, e tochkura sea sargo o topasio. 10A e star tochkura sea sargo iek, sargo kana sea iek po maskaral katar aver. 11Kana llana, llana pe star riga, ni irinape kana llana soke kote kai dikhela iek saurre llana pala late ta ni irinape kana llana. 12Ta sa lengi esnaga, lenge zea, lenge va, lenge pakha ta lenge tochkura sea pherde akha truial katar e star tochkura.#Ez 1.18; Apo 4.8. 13Ta asunava sar phendola e tochkonenge te bolden.#Ez 1.15-21. 14Ta suako iek saia le iek mui, o purvo saia le mui katar o kerubin, o duito saia le mui manuseko, o trito saia le mui lionoko ta o trito saia le mui katar e agila.#Ez 1.10; Apo 4.7. 15Ta e kerubinura ustile, gava si o zivoto kai dikhlem po pai o Kebar.#Ez 1.1-3.
16Ta kana llana e kerubinura, llana i e tochkura lenchar ta kana e kerubinura vazdena pe pakha te vazdiniaon katar e phuv, e tochkura vazdiniaona lenchar. 17Kana von achena, i e tochkura achena, soke o duo katar e zivotura saia ande lende.
18Ondaka e zor e Devleki furiai upral po cher e Devleko, ta thodape upral pe kerubinura. 19Kerubine vazdie pe pakha, furiae katar e phuv angla me akha. Kana von likiste i e tochkura vazdinaile pasa lende, ta achile po than kai delpe andre ando cher e Devleko katar o udar kai si pe rig kai likel o kham ta e zor katar o Del e Israeleko saia upral pe lende. 20Gala sea isto e zivotura kai dikhlem telal katar o Del e Israeleko pasa o pai o Kebar ta llanglem kai sea kerubinura. 21Suako iek saia le star muia ta star pakha ta sargo va manuseke telal katar lenge pakha. 22Ta lenge muia sea sargo e muia kai dikhlem pasa pai o Kebar, isto gia sar dikhona ta gia sar sea.
Currently Selected:
Ezekiel 10: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
