Eksodo 31
31
E llene kai radin te cheren e chara e Devleki
Ek 35.30; 36.1
1O Del dia orba e Moisesea ta phenda leke:
2Dik, katar e vicha e Judaeki ezvirisardem e Bezaleele chaurro katar o Uri, unuko katar o Ur, 3ta pherdem le katar o duo e Devleko, ta bizaipe, te acharel suako ezgoda ta te sikol te cherel suako ezgoda, 4ta te cherel but sukar ezgode katar o sunakai, ta katar o rup ta katar o tuch, 5ta te radil e barra, e kasta, ta te sai cherel suako rado sukar. 6Ta thodem lea te pomozil le e Aoliabe, chaurro katar o Ajiisamak, katar e vicha katar o Dan. Ta sa e bizaien diem len ios bizaipe, te sai cheren sa so phendem chuke te chere: 7e chara kai ka chidiniaon, e arka katar e alava, o propisiatorio kai llal upral pe arka, ta sa e ezgode e charake, 8o stali ta leke ezgode, o kandelabro kai si desneto sunakuno pe ezgodenchar, o altar katar o taimano, 9o altar kai delpe o kurbanoko phabardo pe ezgodenchar, o lelleno ta leko than kai thodol, 10e patave kai radin lenchar, e patave sante e Aaronoke o popo, e patave leke chaurrenge te sai cheren po rado popoko, 11o zeitino kai thodol pe so si te avel dino, ta o taimano kai khandel sukar kai si ande chara e Devleki, von morabi te cheren le gia sar phendem chuke te cherele.
O sabado
Ek 35.1-3
12O Del dia orba e Moisesea ta phenda leke:
13De isto tu orba e israelenchar ta phen lenge gia: Chachimaia tumen ka guruven me sabadura, soke goia si e señal maskar tumende ta me sa e bursenchar, te sai llanglolpe kai me o Del, ezvirisardem tumen. 14Goleke ka guruve o llive sabado, soke si santo tumenge. Ko ni dela liubao gole llivese ka chinen leke te merel. Ta o lleno kai radila gua llive ka traden le tumendar. 15Sai ka radilpe sov llive, a o llive eftato ka avel iek llive kai ni ka radilpe. Ka avel dino e Devleke, kogo radila ando sabado, ka avel leke chinado te merel.#Ek 20.8-11; 23.12; 34.21; 35.2; Lv 23.3; Dt 5.12-14. 16Goleke e israelitura ni ka radin o sabado, sargo kana achile pe alava ostade sa e bursenchar. 17Ka avel iek señal ostade maskar e israelitura ta me. Soke o Del cherda o miloso ta e phuv ande sov llive, ta o eftato llive ni radisarda ios.#Ek 20.11.
O telcho sunakuno
Dt 9.6-29
18Kana o Del achilo te del orba e Moisesea po burdo Sinai, dia lete dui table barrastune katar e orba e chachi kai o del pisisarda pe naiea.
Currently Selected:
Eksodo 31: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
