Efesios 2
2
O Del braduisarda amen ando Kristo
1Vou dia tumen zivoto kana tumen sena mule ande tumaro bilachipe, 2kana tumen zivina prema o zivoto gale suetoko ta cherena so phenela tumenge gua duo kai gazdaril pe balav ta radil e llenenchar kai ni kanden e Devle.#Ef 6.11-12; Kol 1.13. 3Ta isto gia zivia sa amen omanglal kana llaia pala o kurvaluko ta cheraia so mangela amendar amari esnaga ta amare mislura bilache. Ta cheres gola ezgode o Del saia te del amen iek bari duk, gia sar saia te del la saurrenge.#Kol 3.6. 4A o Del avila leke gia bari zalba ta volisarda amen pe gachin, 5kai dia amen zivoto ande iek than e Kristoia kana sama mule cheres amaro bilachipe. Pala o volipe e Devleko tumen lien o braduipe.#Kol 2.13. 6Ta ande iek than e Jesukristoia vazdia amen katar o meripe, ta cherda amen te besa lea ando miloso. 7Gala ezgode cherda len te sai sikavel po volipe ando vreme kai ka avel mai angle ta kai si posteno amenchar ando Kristo Jesus. 8Soke pala o volipe e Devleko tumen lien o braduipe cheres o pachape. Ta gava inai kai tumen dobisarden, soke gaia ezgoda dia la tumenge o Del llabe. 9Inai kai lienla soke cherden vareso, goleke niko nasti falil vou pe katar niso; 10Soke o Del si kai cherda amen; vou cherda amen ando Jesukristo te sai chera lache ezgode, ta te phira po drom kai vou lacharda amenge mai anglal.
Saurre sam iek ando Kristo
11E judiura ikharen tumen gola kai inai sirkunsidime a e judiura kai von sirkunsidin e llenen von pe ikharen e sirkunsidime 12den tumen golli kai omanglal tumen sena bi e Kristoia, ta sena fulade katar o foro katar o Israel, ta ni sena ande po alav kana o Del diaia. Tumen zivina ande gaia phuv, bi e Devleko ta bi braduimako. 13A tumen kai sena dur akana sen pase ande iek than e Jesukristoia pala o rat kai vou perada.
14O Kristo si amari pas. Vou cherda katar e judiura ta katar gola kai i nai judiura iek foro, vou perada o zido kai fulavela len, ta phagla isto ande pi esnaga e brasnia kai saia.#Jn 14.27. 15Vou perada ande po mas o zakono kai sea zakonura kai phenena so saia te cheren, ta isto petar cherda iek nevo manus katar e dui forura ta gia cherda e pas.#Kol 2.14. 16Ta cheres po meripe po krusto cherda te lachardon e dui forura e Devlea, ta cherda te aven iek foro te sai zivin ande pas e Devlea.#Kol 1.20.
17O Kristo avilo te anel e lachi viasta katar e pas saurrenge, pe gachin tumenge kai sena dur e Devletar, ta i tumenge kai sena pase katar o Del.#Is 57.19. 18Goleke, pala o Kristo e llene kai si judiura, ta e llene kai inai judiura, si amen iek Duo te sai ava pasa o Del kai si o Dad. 19Goleke, tumen akana ni sen katar aver phuv, ni sen avri katar tumari phuv, akana sen katar o foro e Devleko ta si tumen so si te avel suakone llene kai si katar e vicha e Devleki. 20Tumen sen sargo iek cher cherdo pe so sikade e apostolura ta e poraukura, a o barr mai preche katar o cher si isto o Jesukristo.#Is 28.16; Mt 21.42. 21Ando Kristo vazdiniaol suako rig katar o cher, lligo ni ka cherdol iek santo cher e Devleko ando Gazda. 22Soke cheres o Jesukristo i tumen cherdon katar gua cher e Devleko kai ande lete zivil o Del ande po Duo.#1 Kor 3.16-17; 1 P 2.4-5.
Currently Selected:
Efesios 2: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
