Efesios 1
1
1O Pablo, apostol e Jesukristoko pala e volia e Devleki, del salami gole llenenge kai si katar o foro santo kai si ando Efeso kai pachan ta si ande iek than e Kristoia.#Ech 18.19-21; 19.1. 2O Del kai si amaro Dad ta amaro Gazda o Jesukristo, te thovel pe tumende po volipe ta pi pas.
O Pablo blagosil e Devle pala o braduipe
3Blagosime te avel o Del kai si o Dad amare Gazdako o Jesukristo, soke ando Kristo blagosisarda amen ando miloso katar sa o blagosipe duoko. 4O Del esvirisarda amen ando Kristo mai anglal te cherel e phuv, te sai ava sante ta bi dosake angla le pala po volipe. 5Vou chinadaia amenge te lel amen sargo pe chaurren pala o Jesukristo, soke gia chinadale ande po volipe. 6O Del cherda sa gava te sai blagosi le pala po baro volipe, ta blagosisarda amen pala po chaurro kai volil. 7Ando Kristo, fala katar leko rat kai perada, si amen braduipe ta o prostipe katar o bilachipe. Soke o Del bariarda pe amende po baro barvalipe volimako,#Mk 10.45; 14.24; Kol 1.14; Ebr 9.12-14. 8ta dia amen te achara ta i dia amen baro bizaipe, 9ta dia amen te pinllara so saia gurudino katar leki volia, katar so vou mangel te cherel. Vou ande po volipe mangla te cheren ando Kristo gaia volia. 10Kana ka avel o vreme ka cherel so vou mangel ta ka chidel sa e ezgode katar o miloso ta i katar e phuv, ta angla lende ka thovel e Kristo te gazdaril.
11Ando Kristo o Del esvirisarda amen mai anglal te sai avel amen leko barvalipe, gia sar manglale isto o Del ta sa so cherel, cherel le sar vou mangel. 12Ta vou mangla mai anglal amen te thova amaro pachape ando Kristo, te sai saurre blagosi leki zor e bari. 13Ta fala e Kristoke, i tumen asunden e orba chachuni, katar e lachi viasta katar leko braduipe, ta tumen lien gava pachape, ta i lien o Santo Duo kai phendaia kai ka del tumen.#Lk 24.49; Jn 14.26; 16.13-15; Ech 1.4; 2.33. 14O Duo kai lien si te llanen kai o alav kai o Del dia tumen ka cherel le kana ka braduil sa e llenen kai sam katar leko foro, te sai saurre blagosi leki zor e bari.#2 Kor 1.22.
O Pablo molilpe pala e llene kai pachan
15Goleke, sar me llanav kai si tumen pachape ando Gazda o Jesus ta si tumen volipe pala sa o foro santo, 16ni achav te dav fala e Devle cheres tumende, ta dav man golli tumendar kana moliv man. 17Mangav katar o Del amare Gazdako o Jesukristo, o Dad o baro, te del tumen po Duo te sai aven bizai, te sai pinllaren le chachimaia. 18Mangav e Devletar te putarel tumaro mislo te sai llanen savo si o braduipe kai sen ikharde, gia baro si o barvalipe kai ka del o Del pe foro kai si santo. 19Ta gia bari si leki zor kai radil ande amende kai pacha. Gaia zor si isto goia kai o Del sikadaia bare zoriaia 20kana vazdia e Jesuse katar o meripe ta cherda le te besel pe pi rig e chachi ando miloso,#Sal 110.1. 21ta thoda le upral pe suako zor, pe suako gazdaripe, pe suako birovi duonengo, ta pe suako anav kai sai phendol pe gaia phuv ta i pe o goia e nevi phuv kai si te avel. 22Thoda sa e ezgode telal tala e porrne e Kristoke ta thoda le te avel o soro e khanllirako.#Sal 8.6. 23Soke e khanlliri si e esnaga e Kristoki, ta letar lel sa so trubul la, soke o Kristo si kai pherel la katar sa so trubul la, ta e khanlliri achel pherdi.#Kol 1.18.
Currently Selected:
Efesios 1: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
