Deuteronomio 15
15
O burs kai prostilpe o unllilipe
1Suako efta burs ka prosti so aver si chuke unllile.
2Gava prostipe ka cherdol gia: Suako lleno kai dia unllile avere, ka prosti leke so dia le unllile. Ta ni ka mange ios katar gua lleno kai si katar leki phuv te pochinel leke, soke gua burs ka phendol kai si o burs katar o prostipe katar o unllilipe ando liubao e Devleko. 3E llenetar kai si katar aver phuv ka mange te pochinel chuke so dian le unllile, a e llene kai si katar chi phuv morabi te prostile so lia tutar. 4Gia ni ka aven chorre maskar tumende, soke o Del tumaro Gazda ka blagosil tut ande phuv kai ka del tumen te len, 5Te asunea chachimaia o avazi e Devleko tumaro gazda, te sai kande sa leke alava kai me phenav chuke allive. 6Soke o Del tumaro Gazda ka blagosil tumen, gia sar phenda le chuke ta ka avel tut te de unllile bute phuvien, a tut ni ka trubul tut te mange unllile, ka gazdari pe but phuvia a von ni ka gazdarin pe tute.
7Te avela iek chorro maskar e llene katar chi phuv maskar e forura katar e phuv kai o Del tumaro Gazda dia tut, te na zuriave cho lio e llenea kai si katar chi phuv kai si chorro, 8tu kadele unllile so trubul le#Lv 25.35. 9te na thove gava bilachipe ande cho lio ta te misli: Pase si o burs eftato, o burs kai prostil pe o unllilipe, na dik bilachimaia po lleno kai si katar chi phuv kai si chorro, te na de le, soke vou ka molil pe e Devleke ta ka phenel leke o bilachipe kai cherdan. 10Tu morabi te pomozi le suako drom ta te na phariol chuke, soke pala so chere o Del cho gazda ka blagosil tut pe sa thovea tut te chere. 11Soke e chorre suako drom ka aven pe phuv, goleke me phenav chuke te putare cho va e llenenge kai si katar chi phuv kai si churre ta kai trubul len.#Mt 26.11; Mk 14.7; Jn 12.8.
E zakonura katar e sluge
Ek 21.1-11
12A vareko kai si katar chi phuv kai si ebreo, avela murus o diskinia, bichindola chuke sar sluga, ka radil chuke samo sov burs, ta o eftato bur ka mukliare le.#Lv 25.39-46. 13Ta kana ka mukliare le ni ka mule te llaltar chuche vastengo, 14ka de le zivirinie katar chi stoka ta but lliu ta mol, gava si kai tu ka de le katar so o Del blagosisarda tut. 15Na bristar tut kai i tu sana sluga ando o Ejipto ta kai o Del cho gazda ikan tut goleke akana dav tut gala alava allive te kande len.
16Goleke cho sluga te phenela kai ni kamel te mukel tut soke volil tut ta che familia soke leke vou acharel pe sukar tuia, 17ondaka ka le iek priboi ta ka jirave leko kan po udar ta ka avel cho sluga ostade. Ta isto gua ka chere te avela diskinia chi sluga. 18Na joliao kai si te mukliare che slugen, soke sov burs radisarde chuke po dopas katar so pochindana iekhe lleneke kai radil ta i o Del cho gazda ka blagosil tut pe sa so cherea.
Den e purve zivirinie murus kai biandon
19Suako purvo murus kai biandol katar che gurumia o katar che bakria morabi te de le e Devleke cho gazda.#Ek 13.12.
Na cher te radil o purvo telcho katar che guruva ta na chin e bal katar o purvo bakro katar che bakre. 20Suako burs ka jale che familiaia angla o Del cho gazda, po than kai o Del esvirisarda. 21A e zivirinia te avela nasuali, o te avela korri o bangi o avela aver nasualipe pe late tu ni ka de la kurbano e Devleke cho gazda. 22Ka jale ando foro kai zivi ta sa sai ka jan letar, o manus kai si pokalime ta i gua kai si chisto sai ka jan letar, sargo kana jalpe o mas katar e gasela o o siervo. 23A nasti ka ja leko rat, morabi te chore leko rat pe phuv sargo pai.
Currently Selected:
Deuteronomio 15: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
