2 Samuel 4
4
O meripe katar o Isboset
1Kana o Isboset chavo e Sauleko asunda kai mundarde e Abnere ando Jebron, kovlile leke va daratar, ta sa o foro katar o Israel darailo but. 2Ta o chavo e Sauleko sea le dui llene kai gazdarina pe chorane, iek ikhardola Baana o gua ikhardola Rekab. Gala sea chave e Rimoneke katar o Beerot katar o Benjamin, soke o foro Beerot saia llindo ande vicha katar o Benjamin, 3ta e beerotitura nasle ando o Gitaim, kote zivin sargo llene kai si katar aver phuv llik allive.
4E Jonatane saia le iek chaurro bango. Kana sea leke panch burs, avili e viasta katar o Jezreel kai o Saul ta o Jonatan mulea. Ondaka e sluga lia o minono ta nasli, ta kana voi prastela sigardi o minono pelotar latar, goleke achilo bango. Vou ikhardola Mefi Boset.#2 S 9.3.
5E chaurre katar o Rimon katar o Beerot, o Rekab ta o Baana, die ando cher katar o Isboset kana cherela mai but tatipe, ta o Isboset sovela ande pi soba. 6E diskinia kai arakhela o udar ta chistola o lliu, i voi thodape te sovel. Gia o Rekab ta leko phlal o Baana die ando cher ta ni dikhle len. 7Kana die ando cher, o Isboset sovela ande pi soba. Ondaka ranisarde le ta mundarde le, chinde leko soro, ta inllarde o soro ta phirde sorro riat po drom katar o Araba. 8Ta ande o soro katar o Isboset e Davideke ando Jebron, ta phende e charoke:
Etalo kate o soro katar o Isboset, o chaurro katar cho dusmano o Saul, gua kai mangela mundarel tut. Allive o Del cherda te pochinen o Saul ta leko porodo so cherde chuke, mo glamno charo.
9Ondaka o David phenda e Rekabeke ta e Baanaeke leko phlal:
Phenav tumenge ando anav e Devleko kai braduisarda man katar suako briga.
10Kai kana avilo iek lleno te phenel mange e viasta katar o meripe e Sauleko, ta mislila kai anela lachi viasta, me phanglem le ta mundardem le ando Siklag.#2 S 1.1-16. 11¡Pe gachin mai but ka cherav e llenenge kai mundarde iekhe llene lache ande po cher! ¡Akana me ka cherav te pochinen leko meripe! ¡Me ka mundarav len!
12Ondaka o David ikharda pe slugen ta phenda lenge te mundaren len, von mundarde len ta chinde lenge va ta lenge porrne, ta umblade len po bunari katar o Jebron. Mapalal lie o soro katar o Isboset, ta prajosarde le ando limori katar o Abner ando Jebron.
Currently Selected:
2 Samuel 4: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
