2 Relles 24
24
1Ando vreme kana o Joakim charoila, o charo katar e Babilonia o Nabukodonosor, dia ande phuv ta cherda te avel o Joakim leko sluga trin burs. Mapalal o Joakim vazdinailo te marelpe lea. 2Ta o Del bichalda kochkaria kaldeura, siriura, moabitura ta amonitura. Bichalda len te den po Juda te zatrin le gia sar phenda o Del pe slugenge e profetonenge te phenen le. 3Gua nakhla o Juda soke gia mangla le o Del, te tradel le petar pala sa e ezgode bilache kai cherdaia o Manases. 4Pala e llene lache kai mundarda ta soke pherda o Jerusalem katar lengo rat. Goleke o Del ni kamla te prostil.
5Sa so cherda o Joakim si pisime ando lil katar so cherde e charura e Judaeke. 6Kana o Joakim mulo, pe leko than charoisarda leko chavo o Joajin.
7Sar kotar o charo katar o Ejipto ni likisto katar pi phuv, soke o charo katar e Babilonia liaia sa e phuv katar o pai e Ejiptoko llik kai o pai katar o Eufrates.
O Joajin ta leke sluge inllarde len phangle ande Babilonia
2 Kr 36.9-10
8Kana o Joajin thodape te charoil sea leke desojto burs, ta charoisarda ando Jerusalem trin chon. Leki dei saia e Nejusta chei e Elnataneki katar o Jerusalem. 9A o Joajin cherda o bilachipe angla e akha e Devleke, gia sar cherda le leko dad.
10Ande gua vreme e boñikura katar o Nabukodonosor, charo katar e Babilonia, avile ta truisarde o foro katar o Jerusalem. 11Ta kana e boñikura sea truial katar o foro, avilo o Nabukodonosor. 12Ondaka o Joajin charo katar o Juda, leki dei, leke sluge, leke gazda ta leke mai glamne llene, diepe e charoke o Nabukodonosor ta phangle len, kana cherela o ojtoto burs sar kana thodape te charoil o Nabukodonosor.#Jer 22.24-30; 24.1-10; 29.1-2.
13Mapalal o Nabukodonosor ikanda katar o cher e Devleko ta katar o cher e charoinako, e ezgode sukar. Phagla sa e ezgode sunakune kai cherda o Salomon, charo e Israeleko, ando cher e Devleko, sar phendaia le o Del. 14Ta inllarda phangle sa e llenen katar o Jerusalem, sa e gazden, e mai lache boñikonen, e llenen kai radina ande kasta ta ando sastri. Sa e llene phangle sea des milie. Niko ni achilo ande phuv, samo e llene mai chorre.
15O Nabukodonosor inllarda phangle e Joakine, leke dea, leke rromien, leke gazden, ta leke mai preche llenen. Inllarda len phangle katar o Jerusalem llik kai e Babilonia.#Ez 17.12. 16Sa e boñikonen kai o charo katar e Babilonia inllarda phangle, sea efta milie. Ta milia llenen kai radina ande kasta ta ando sastri, ta e mai tromane llenen te marenpe, inllarda len phangle ande Babilonia. 17Mapalal o charo katar e Babilonia thoda te charoil e Mataniase, kako katar o Joakin, ta thoda leke iek nevo anav, Sedekias.#Jer 37.1; Ez 17.13.
O Sedekias charoil
2 Kr 36.11-16; Jer 52.1-3
18Kana o Sedekias thodape te charoil sea leke bis ta iek burs. Charoisarda desuiek burs ando Jerusalem. Leki dei saia e Jamutal, chei katar o Jeremias katar e Libna.#Jer 27.1-22; 28.1-17. 19A o Sedekias cherda o bilachipe angla e akha e Devleke gia sar cherda le o Joakin. 20Goleke o Del jolailo po Jerusalem ta po Juda ta chudia len petar. Ta o Sedekias vazdinailo po charo katar e Babilonia.#Ez 17.15.
Currently Selected:
2 Relles 24: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
