2 Korintios 10
10
E zor kai si e Pablo
1Nesave phenen kai sem but darano kana sem maskar tumende, a kana sem dur phenen kai sem but tromano.
2Goleke moliv man tumenge, kana ka llau te dikhav tumen, na cheren man te avav tromano gole llenenchar kai den amare orbe ta phenen kai amen chera e ezgode sar cheren len e llene katar gava sueto. 3O chachipe si kai sam manusa, a ni mara amen sar marenpe e llene katar gava sueto. 4Amen ni mara amen ni kastenchar ni churienchar sar marelpe o sueto, so si amen te mara amen si e zor e Devleki kai sai phagel bare zidura. Ta galea amen phaga e dos kai thoven pe amende. 5Ta i achava gole llenen kai istardon ta kai achaven averen te pinllaren e Devle. Ta suako mislo e manusengo ana le kai o Kristo te sai kanden le, 6ta ka dukhava sa golen kai ni kanden, ta ka chera gaia ezgoda kana tumen ka kanden chachimaia.
7Tumen dikhen e ezgode prema sar dikhon. A vareko te pachala kai si e Kristoko, morabi te thovel sama kai i amen sam e Kristoke. 8I te cherava mai but baripe ande amaro gazdaripe, ni lallau te phenav gala ezgode, soke o Gazda o Jesukristo dia amen gava gazdaripe te sai pomozi tumen te pachan mai but ande lete a na te zatri tumen. 9Ni kamam te mislin tumen kai mangav te daravav tumen gale lilenchar kai pisiv tumenge. 10Soke si nesave llene kai phenen kai gala lila kai pisiv tumenge si zurale ta silne, ta i phenen kai kana sem tumenchar ta dav orba sem kovlo, ta kai ni llanav te dav orba sukar, ta kai ni thoven mange sama kana dav orba. 11Gala llene morabi te llanen kai kana ka llau tumende ka avav zuralo isto gia sar sem ande lila kai pisiv tumenge duratar.
O Pablo chacharelpe
12Soke nikada ni ka phena kai sam sargo gola llene kai falin isto von pe. Von cheren iek baro dilipe, soke isto pe misloia mangen te llanen ko si mai llanglo iek averetar. 13Amen ni ka da orbe lache isto amendar llik so sai cherale. Soke o Del si kai phenel llik kai sai cherale, ta vou si kai phenel llik kai resel amaro rado, ta vou mukla amen te resa llik tumende kai sen ando Korinto. 14Goleke ni da mai but orbe neko so si te da, soke amen sama gola kai mai anglal inllardam tumenge e lachi viasta e Kristoki. 15Ta ni fali amen ande averengo rado kai cherde, soke so amen adurichara si isto gia sar bariol tumaro pachape te bariol i o rado kai chera maskar tumende. 16Ta manga te inllara e lachi viasta ios mai dur katar sen tumen, ta ni ka lla kote kai aver thodepe te radin te na fali amen ande averengo rado. 17A vareko te mangela te falilpe, te falilpe ando Gazda.#Jer 9.24. 18Soke o lleno kai morabi te den le liubao, si gua kai o Del blagosil le, a na gua kai blagosil vou pe.
Currently Selected:
2 Korintios 10: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
