2 Kronikas 5
5
1Ta kana getosarde sa o rado kai o Salomon bichalda te cheren ando cher e Devleko, o Salomon anda sa e ezgode sunakune ta rupune kai o David diaia e Devle, ta thoda len ando barvalipe katar o cher e Devleko.#2 S 8.11; 1 Kr 18.11.
Anen e arka katar o alav ando cher e Devleko
1 R 8.1-11
2Ondaka o Salomon ikharda e phuren katar o Israel, e gazden katar sa e viche, ta e mai preche llenen katar sa e familie katar o Israel, te anen e arka katar o Del o Gazda katar o foro e Davideko, kai gua si o Sion.#2 S 6.12-15; 1 Kr 15.25-28. 3Ta chidinaile e charoia sa e murusa katar o foro o Israel, te cheren e glamni slava katar o eftato chon. 4Ta avile sa e phure katar o Israel, ta e levitura lie e arka, 5ta e popura ta e levitura ande e arka ta e chara e Devleki, ta sa e ezgode katar o santuario kai sea andre ande chara e Devleki. 6O charo o Salomon ta sa o foro katar o Israel chidinaile angla e arka, ta die bakren ta guruven kurbanura e Devleke, gachin kai nasti llinde len. 7Ta e popura thode e arka katar o Del o Gazda pe po than ando cher e Devleko, ando than santisimo, telal tala e pakha katar e kerubinura. 8E kerubinura sea inzarde lenge pakha upral po than kai saia e arka, gia ucharena e arka ta lake pulsura. 9A e kasta sea gia bare kai dikhona katar o than santo kai si angla o than santisimo, a nasti dikhena len avrial. Gia achile llik allive. 10Andre ande arka samo sea e dui kotora barrustune kai o Moises thoda len ando Joreb. Gala sea e kotora barrustune kana o Del dia po alav e llenenge katar o Israel, kana likiste katar o Ejipto.#Dt 10.5.
11E popura likiste katar o santuario. Sa e popura chistosardepe ta ni radisarde prema lengo vreme. 12Sa e levitura kai llilabena, o Asaf, o Eman ta o Jedutun sea pe porrne pe chavenchar ta pe familiaia pe rig kai likel o kham katar o altar, sa sea furiade ando lino. Sea len sastrura kai basen, salteriura ta arpe. Lenchar sea stotina ta bis popura kai basalena ande tuturuge.
13Kana basalena e tuturuge llilabena sargo iek lleno te blagosin ta te den fala e Devle, ta basalena ande tuturuge, ande sastrura kai basalen ta ande aver basalde, ta llilabena:
Blagosisaren e Devle soke vou si lacho ta leko volipe si ostade. Ondaka iek oblako ucharda o cher e Devleko.#1 Kr 16.34; 2 Kr 7.3; 20.21; Esd 3.11; Sal 105.5; 106.1; 107.1; 118.1; 136.1; Jer 33.11. 14Ta e popura nasti avena kote pala o oblako, soke o baripe e Devleko pherdaia o cher e Devleko.#Ek 40.34-35; 2 Kr 7.2.
Currently Selected:
2 Kronikas 5: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
