2 Kronikas 19
19
O Porauko Jeu del po Josafat
1O Josafat, charo katar e Judea, irisailo esmirto kai po cher kai saia ando Jerusalem. 2A o profeta o Jeu chavo katar o Janani, likisto po drom ta puchla le: ¿Soke pomozi e bilachen ta san pharnavo katar e dusmanura e Devleke? Goleke o Del jolailo pe tu. 3A si ezgode lache kai cherdan. Peradan e slike katar e Asera kai sea ande phuv, ta kai rode e Devle.
O Josafat thovel krisaria
4O Josafat zivila ando Jerusalem, ta llala suako drom kai e llene katar e phuv te iril len kai o Del. Llala katar o Berseba llik e burdura katar o Efrain. 5Ta thoda krisaria ande sa e forura zidome katar o Juda, pe suako rig. 6Ta phenda e krisarienge:
Dikhen so ka cheren, soke ni ka krisin ando anav e manusengo, ka cheren le ando anav e Devleko kai ka avel tumenchar kana ka chinen e kris. 7Goleke den liubao e Devle ta arakhen so cheren, soke e Devleke saurre si sargo iek lleno, ta inai leke drago kana pochinen varekake te dosarel gole kai inai dosalo.#Dt 10.17.
8Ta o Josafat thoda ando Jerusalem nesave levitonen, poponen ta gazda katar e familie, te krisin ande ezgode katar o Del ta te krisin ande ezgode katar o foro. Ta irisaile ando Jerusalem. 9Ta phenda lenge gala alava: Tumen morabi te daran e Devletar ta te cheren e ezgode sa tumare liea, ta chachimaia. 10Kana ka chinen e kris tumare phlalenge kai zivin ande forura. Ta avena tumende soke mundarde fika, o te puchen tumen katar iek zakono o katar fisavi ezgoda kai o Del phenda orba te cheren, phenen lenge te na cheren o bilachipe, te na joliaol o Del pe tumende ta pe lende. 11O popo o Amarias ka avel tumaro gazda ta ka dikhel sa e ezgode katar o blagosipe e Devleke. O Zebadias chavo katar o Ismael ta gazda katar e vicha e Judaeki ka dikhel e ezgode e charoke. E levitura ka pomozin tumen. ¡Len tumen zor! ¡O Del te pomozil gole kai ka radil orta!
Currently Selected:
2 Kronikas 19: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
