1 Relles 21
21
O Ajab ta e umal e drakhengi katar o Nabot
1Kana nakhle gala ezgode, iek lleno katar o Jezreel kai ikhardola Nabot, saia le iek umal drakhengi pasa o cher katar o charo o Ajab ande Samaria. 2Ta o Ajab dia orba e Nabotea, ta phenda leke:
De man chi umal drakhengi te sai cherav mange iek vostano, soke si pasa mo cher. Me ka dav tut aver umal drakhengi mai sukar. O te kame sai pochinav le chuke lovenchar.
3O Nabot phenda e Ajabeke:
Te na del o Del te dav tut so die man me dada.
4Ta o Ajab irisailo kai po cher tristome ta joliariko, soke o Nabot phendaia leke kai ni ka del le so die le leke dada. Ta thodape te sovel, ta ni jala niso. 5Ta avili leki rromi e Jezabel, ta puchla le:
¿Soke san gia tristome, ta ni kame te ja?
6O Ajab phenda lake:
Diem orba e Nabotea o lleno katar o Jezreel, ta manglem letar te bichinel mange pi umal drakhengi, o te kamela vou, te dav le aver umal drakhengi pala leki.
7Ondaka e Jezabel phenda leke:
¡Tu san o lleno kai gazdaril ando Israel! Ja, ta achi esmiro. ¡Me ka cherav te avel chiri leki umal drakhengi!
8Ta e Jezabel pisisarda lila ando anav e Ajabeko, thoda o sello e charoko ta bichalda len e gazdenge ta e phurenge katar o foro kai zivila o Nabot. 9Ta e lila kai pisisarda phenena gia:
Cheren alluno, ta anen e Nabote angla o foro, 10ta dui llene te kojaven ta te phenen kai o Nabot kusla e Devle ta e charo. Mapalal chalaven le e barrenchar te merel.
11Ta e phure, ta e mai preche katar o foro, cherde sar phenda lenge e Jezabel ande lila klai bichaldaia lenge. 12Ikharde e llenen te cheren alluno, ta thode e Nabote angla o foro. 13Avile dui llenen bilache, besle angla le, ta kojade e foroke. Phende kai o Nabot kusla e Devle ta e charo. Ta ikande le avri, chalade le e barrenchar ta mulo. 14Mapalal bichalde te phenen e Jezabelake kai o Nabot mulo.
15Kana e Jezabel asunda kai mundarde e Nabote e barrenchar, phenda e Ajabeke:
Lla, ta le chuke e umal e drakhengi katar o Nabot, o lleno katar o Jezreel kai ni kamela te bichinel la. Akana o Nabot mulo, ni zivil ios.
16Kana o Ajab asunda kai o Nabot mulo, llelo kai e umal e drakhengi te lel la peke. 17Ondaka o Del dia orba e Eliaseke o tisbita, ta phenda leke:
18Lla te dikhe e Ajabe, o charo e Israeleko ande Samaria. Vou si akana ande umal e drakhengi katar o Nabot, ta mangel te lel la peke. 19Ta ka phene leke gia:
Gia phenel o Del:
Soke mundardan ta lian e ezgode kai inai chire, isto kote kai e llukela pile o rat e Nabateko, i cho rat ka pien le e llukela.
20Ta o Ajab phenda e Eliaseke:
¿So misli tu, kai me sem cho dusmano? Ta o Elias phenda leke:
Ea, soke samo o bilachipe chere angla o Del. 21Goleke o Del phenda gia:
Me ka zatriv tut, ta ka zatriv sa e murusen katar chi familia ando Israel, sluge ta golen kai inai sluge. 22Ta i ka cherav che familiake isto gua so cherdem e familiake katar o Jeroboam, chavo katar o Nabat. Ta ka cherav isto gua so cherdem e familiake katar o Baasa, chavo katar o Ajias, soke joliarde man kana cherde e Israele te cherel o bilachipe. 23O Del dia orba i katar e Jezabel, ta phenda gia:
E llukela ka jan e Jezabele po zido katar o Jezreel,#2 R 9.36. 24O lleno katar o Ajab kai ka merel ando foro, ka jan le e llukela. Ta o lleno kai ka merel ande umalia ka jan le e chiriklia kai jan mas.
25O chachipe si kai niko ni saia sargo o Ajab, kai cherela samo o bilachipe soke leki rromi phenela leke te cherel le. 26O Ajab saia iek lleno gado, soke llala pala aver dela sar cherena le e amorreura, kai o Del chudia len angla e chave katar o Israel.
27Kana o Ajab asunda gala ezgode, pharrada pe patave, thoda pe pete patave zalosne, cherda alluno, sovela po prajo ta llala but tristome. 28Ondaka o Del dia orba e Eliasea, o tisbita ta phenda: 29¿Dikhlan sar o Ajab diape ando lallao angla ma? ta soke keisailo angla ma ni ka cherav so phendem leke ande leke llivesa. Ka cherav le ande llivesa katar leko chavo.
Currently Selected:
1 Relles 21: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
