1 Juan 3
3
1Dikhen pe gachin volil amen o Dad kai ikharel amen chave e Devleke, goleke o sueto ni pinllarel amen, soke o sueto ni pinllarda le.#Jn 1.12. 2Phlalalen, akana amen sam chave e Devleke, ta ni ios ni sikadol sar ka ava amen, samo llana kai kana ka avel o Jesukristo ka ava sargo vou, soke ka dikha le sar si vou. 3Suako lleno kai si le vera ande le, chistolpe isto vou pe, gia sargo o Jesukristo si chisto.
4Suako lleno kai cherel bilachipe ni guruvel o zakono; soke o bilachipe si kana ni guruven o zakono. 5A tumen llanen kai vou likisto te chistosarel amen katar o bilachipe, soke ande le inai bilachipe.#Jn 1.29. 6Suako lleno kai achel lea, ni cherel o bilachipe, soke gua kai cherel o bilachipe, ni dikhla le ta ni pinllarda le. 7Chavalen, te na kojavel tumen niko; gua kai cherel o lachipe si lacho sargo vou kai si lacho; 8a gua kai cherel o bilachipe si e llavoloko, soke o llavolo cherel o bilachipe sar kana o Del cherda e manusen. Goleke avilo o Chavo e Devleko te zatrisarel e llavoloki buchi.#Ebr 2.14-15.
9Gua kai biandilo e Devletar ni cherel bilachipe, soke e vicha e Devleki achel lea ta nasti cherel bilachipe, soke biandilo e Devletar. 10Llangliolpe ko si e chave e Devleke a ko si e chave e llavoloke, soke suako lleno kai ni cherel o lachipe ta ni volil pe phlale inai e Devleko.
11Gaia si e viasta kai tumen asunden mai anglal: Te avel volipe maskar amende.#Jn 13.34; 15.12. 12Na sargo o Kain kai saia bilacho ta mundarda pe phlale. ¿A soke mundarda le? Soke e bucha katar o Kain sea bilache, a e bucha katar leko phlal sea lache.#Jen 4.8.
13Phlalalen, na chudin tumen soke gola kai si katar o sueto murzin pe tumende. 14Amen llana kai nakhlam katar o meripe llik kai o zivoto soke voli amare phlalen. Gua kai ni volil pe phlale, achel ando meripe.#Jn 5.24. 15Suako lleno kai murzil pe po phlal si sargo iek lleno kai mundarel; a tumen llanen kai gua kai mundarel nasti lel o zivoto ostade. 16Amen pinllara so si o volipe soke o Jesukristo dia po zivoto pala amende. I amen si te da amaro zivoto pala amare phlal.#Jn 15.13. 17Soke fiko te avel barvalo ta dikhel kai leko phlal si chorro ta ni pomozil le, ¿sar ka avel ande le o volipe e Devleko? 18Chavalen, te na avel amaro volipe samo alava, morabi te sikadol gua volipe katar so chera chachimaia.
19Gia amen llana kai sam katar o chachipe, ta ande amaro lio ka avel vera angla o Del; 20soke te phukavel amen amaro lio katar fiso, o Del si mai baro neko o lio ta llanel sa e ezgode. 21Phlalalen, amaro lio te na dosarda amen, si amen vera ando Del; 22ta vou ka del amen sogo ka manga letar soke amen kanda leke zakonura, ta chera so drago leke. 23A leki buchi si te pacha ande leko Chavo, o Jesukristo, ta te avel volipe maskar amende gia sar vou sikada amen.#Jn 13.34; 15.12,17. 24Gola kai kanden leke zakonura achen e Devlea a o Del achel lenchar. Goleke amen llana kai vou achel amenchar pala o Duo kai vou dia amen.
Currently Selected:
1 Juan 3: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
