1 Kronikas 9
9
1Gia sa o foro katar o Israel achilo llindo ando lil katar e charura e Israeleke. A e llenen katar o Juda inllarde len phangle ande Babilonia pala lengo bilachipe.
Gola kai irisaile katar e Babilonia
Nej 11.1-24
2E purve llene kai irisaile katar e Babilonia sea israelitura, popura, levitura ta sluge katar o cher e Devleko. 3Ando Jerusalem avile te zivin e chave katar o Juda, o Benjamin, o Efrain ta o Manases.#Esd 2.27,70; 7.7-8; Nej 7.73; 11.3.
4O Utai chavo katar o Amiud, chavo katar o Omri, chavo katar o Imri, chavo katar o Bani, chavo katar o Fares, chavo katar o Juda. 5Katar e siloniture, o Asaias kai saia o mai purano ta leke chave. 6Katar e chave e Zerake, o Jeuel ta leke phlal, sov stotine ta iniavardes.
7Katar e chave e Benjamineke, o Salu, chavo katar o Mesulam, chavo katar o Odavias, chavo katar o Asenua. 8O Ibneias saia chavo katar o Jerojam, o Ela chavo katar o Uzi kai saia chavo katar o Mikri. O Mesulam saia chavo katar o Sefatias, chavo katar o Reuel, chavo katar o Ibnias. 9Leki familia prema lenge viche sea inia stotine ta pinda ta sov, sa gazda ande lenge familie.
10Katar e popura, o Jedaias, o Joiarib, o Joakin, 11o Azarias, chavo katar o Jilkias, chavo katar o Mesulam, chavo katar o Sadok, chavo katar o Meraiot, chavo katar o Ajitub kai saia gazda ando cher e Devleko. 12O Adaias, chavo katar o Jerojam, chavo katar o Pachjur, chavo katar o Malkias, o Masai, chavo katar o Adiel, chavo katar o Jajzera, chavo katar o Mesulam, chavo katar o Mesilemit, chavo katar o Imer, 13ta lenge phlal gazda ande lenge familie, sea milia ta efta stotine ta eftavardes llene kai gazdarina. Sa sea llene kai llanena but sukar te cheren po rado ando cher e Devleko.
14Katar e levitura, o Semaias, chavo katar o Jasub, chavo katar o Azrikam, chavo katar o Jasabias katar e familia e Merarieki. 15O Bakbakar, o Jeres, o Galal ta o Matanias, chavo katar o Mikaias, chavo katar o Zikri, chavo katar o Asaf. 16O Abdias, chavo katar o Semaias, chavo katar o Galal, chavo katar o Jedutun, o Berekias, chavo katar o Asa, chavo katar o Elkana kai zivila ande forichura katar e netofatitura.
17Katar e llene kai arakhena o udar, o Salum, o Akub, o Talmon, o Ajiman, o Salum. Lengo phlal saia lengo gazda 18kai llik akana arakhel o udar e charoko kai si pe rig kai likel o kham. Sa gala sea e llene kai arakhena e udara katar o pero e levitonengo.
19O Salum, chavo katar o Kore, chavo katar o Ebiasaf, chavo katar o Kore, ta leki familia e koreitura arakhena e udara katar o santuario, isto gia sar lenge purane arakhle katar delpe ando pero e Devleko.
20Omanglal o Finees, chavo katar o Eleazar saia lengo gazda, ta o Del saia lea.
21O Zakarias, chavo katar o Meselemias arakhela o udar katar e chara kai chidiniaona.
22Sa e llene esvirime kai arakhena e udara sea dui stotine ta desudui, prema o lil katar e forura kai von zivina. O David ta o Samuel kai dikhela so si te avelpe, thode len te arakhen soke uzdinape ande lende. 23Von ta lenge chave prema o vreme kai saia te cheren le, arakhena o udar katar o cher e Devleko kai gua si o santuario. 24Sea llene kai arakhena pe star riga, pe rig kai likel o kham, pe rig kai perel o kham, pe rig norte ta pe rig sur. 25Lenge familie kai zivina ande forichura, avena lende suako efta llive prema lengo vreme. 26A e star llene mai preche kai arakhena e udara, suako drom arakhena e sobe ta o barvalipe katar o cher e Devleko. 27Von zivina truial katar o cher e Devleko, soke von sea thode te arakhen ta te putaren e udara suako thiarin. 28Nesave lendar arakhena e ezgode kai radina lenchar e popura. Kana ikanena len ta kana ta guruvena len, von llinena len. 29Aver lendar arakhena aver ezgode katar o santuario, ta i arakhena e arina, e mol, o zeitino, o taimano ta e merisura. 30Nesave popura cherena e merisura kai khanden sukar. 31Ta iek levita kai ikhardola Matatias, o chavo o mai purano katar o Salum o koreita, tala leko va saia sa so cherdol ande chillai.#Lv 2.1-4; 6.14-18; 7.11-12; 1 Kr 23.29. 32Nesave katar leke phlal keatitura, arakhena e marrne dine kai thovena len iek angla aver suako sabado.#Ek 25.30; Lv 24.5-8. 33Sea popura kai llilabena, ta sea gazda ande lenge familie kai zivina ande sobe katar o cher e Devleko, ta ni radina ande niso ios, soke ollivesea ta orachaia cherena gua rado.
34Gala sea e gazda katar e familie levitura prema lenge viche kai zivina ando Jerusalem.
E familia katar o Saul
1 Kr 8.29-40
35Ando Gabaon zivila o Jiel, o dad katar o Gabaon. Leki rromi saia e Maaka. 36Leko chavo mai purano saia o Abdon, mapalal o Zur, o Kis, o Baal, o Ner, o Nadab, 37o Gedor, o Ajio, o Zakarias ta o Miklot, 38kai saia o dad katar o Simam. Von zivina ando Jerusalem pe phlalenchar.
39O Ner saia o dad katar o Kis, o Kis saia o dad katar o Saul, o Saul saia o dad katar o Jonatan, katar o Malkisua, katar o Abinadab ta katar o Es Baal. 40O chavo katar o Jonatan saia o Merib baal, ta o Merib baal saia o dad katar o Mikaias. 41E chave katar o Mikaias sea, o Piton, o Melek, o Tarea ta o Ajaz. 42O Ajaz saia o dad katar o Jara, o Jara saia o dad katar o Alemet, o Azmavet ta o Zimri. O Zimri saia o dad katar o Mosa, 43ta o Mosa saia o dad katar o Bina, o Bina saia o dad katar o Refaias, o Refaias saia o dad katar o Elasa kai saia o dad katar o Asel.
44E chave katar o Asel sea sov, o Azrikam, o Bokru, o Ismael, o Searias, o Abdias ta o Janan. Gala sea e chave katar o Asel.
Currently Selected:
1 Kronikas 9: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
