1 Kronikas 10
10
O Saul ta leke chave meren po maripe
1 S 31.1-13
1E filisteura mardepe e israelitonenchar, ta e israelitura nasle lendar, soke but mule po burdo katar o Gilboa. 2Ta e filisteura rodie e Saule ta leke chaven, ta mundarde e Jonatane, e Abinadabe ta e Malkisue, chave e Sauleke. 3Ta o maripe cherdilo but zuralo po Saul, ta e boñikura kai chudena llide sea pasa le, ta ranisarde e Saule. 4Ta o Saul phenda pe slugake kai inllarela e ezgode marimake:
Ikan cho jarni ta mundar man, te na aven gala kai inai sirkunsidime te maren mandar espurnia. A o sluga ni kamela te mundarel le, soke darala but. Ondaka o Saul lia o jarni ta chudiape pe lete. 5Ta kana o sluga dikhla e Saule mulo, i vou chudiape pe po jarni ta mulo. 6Gia mulo o Saul, leke trin chave, leko sluga, ta sa leki familia. 7Ta e llene katar o Israel kai zivina ande e bari umal, kana dikhle kai e boñikura katar Israel nasle ta kai mundarde e Saule ta leke chaven, mukle e forura chudine ta nasle. Ta avile e filisteura ta thodepe te zivin ande gola forura.
8Thiarinako kana avile e filisteura te len e ezgode katar e mule, malade e esnage mule katar o Saul ta katar leke chave po burdo Gilboa. 9Lie leke ezgode marimake, chinde leko soro ta bichalde llenen pe sa e phuv katar e filisteura, te inllaren e viasta e foroke ta pe delenge. 10Thode leke ezgode marimake ando cher katar lenge dela, ta umblade leko soro pe zidura katar o cher e Dagoneko.
11Kana asunde e llene katar o Jabes ande phuv katar o Galaad, so cherde e filisteura e Sauleke, 12vazdinaile e murusa mai tromane ta lie e esnage katar o Saul ta katar leke chave, ta inllarde len ando Jabes. Kote prajosarde len telal katar iek ensina ta cherde alluno efta llive.
13Gia mulo o Saul pala po bilachipe, soke ni kandia e Devle ta i soke puchla iekhe lluvlia kai apogodila,#Lv 19.31; 20.6; 1 S 13.8-14; 15.1-24; 28.7-8. 14ta ni puchla e Devle, goleke o Del mundarda le ta dia leki charoina e Davideke, o chavo katar o Isai.
Currently Selected:
1 Kronikas 10: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
