1 Kronikas 24
24
1Ta fulade e chaven katar o Aaron prema lengo rado. E chave katar o Aaron sea, o Nadab, o Abiu, o Eleazar ta o Itamar. 2A o Nadab ta o Abiu mule mai anglal neko lengo dad, ta ni sea len chave, goleke o Eleazar ta o Itamar cherde o rado e poponengo.#Lv 10.1-7,12.
3O David ta o Sadok katar e chave e Eleazareke, ta o Ajimelek katar e chave e Itamareke, fulada lenge o vreme kai saia te radin. 4Ta kana dikhle kai e chave katar o Eleazar sea mai but neko e chave katar o Itamar, fulade len gia: Katar e chave e Eleazareke desusov gazda, katar e chave e Itamareke ojto. 5Ta cheldepe te sai llanen o vreme kai saia te radin, soke maskar e chave e Eleazareke ta e Itamareke sea llene gazda ando cher e Devleko.
6Mapalal o pismiri o Semaias chavo katar o Natanael iek katar e levitura, pisisarda lenge anava angla o charo ta e gazda, angla o popo o Sadok, angla o Ajimelek chavo katar o Abiatar ta angla e gazda katar e familie e poponenge ta e levitonenge. Ta chelenape te sai llanen o vreme kana saia te radin, ta likista iek vreme e familiake katar o Eleazar ta aver vreme e familiake katar o Itamar.
7Mai anglal saia o Joiarib, mapalal o Jedaias, 8o trito saia o Jarim, o starto o Seorim, 9o panchto o Malkias, o souto o Mijamin, 10o eftato o Kos, o ojtoto o Abias, 11o iniato o Jesua, o desto o Sekanias, 12o desuiekto o Eliasib, o desuduito o Jakim, 13o desutrito o Jupa, o desustarto o Jesebeab, 14o desupanchto o Bilga, o desusouto o Imer, 15o deseftato o Jezir, o desojtoto o Afses, 16o desuniato o Petaias, o bisto o Ezekiel, 17o bistaiekto o Jakin, o bistaduito o Gamul, 18o bistatrito o Delaia, o bistastarto o Maazias. 19Gia fulade o vreme te radin ando cher e Devleko prema sar phenda o Del e Israeleko e Aaroneke, lengo dad.
20E chave katar levitura kai achile sea, o Subael katar e chave e Amrameke, ta katar e chave e Subaeleke o Jejedias. 21Katar e chave e Rejabiaseke o Isias kai saia o mai purano, 22Katar e isaritura o Selomot ta leko chavo o Jajat. 23Katar e chave katar o Jebron, o mai purano o Jerias, mapalal o Amarias, o trito o Jajaziel, o starto o Jekaman. 24O Mikaias chavo katar o Uziel, o Samir chavo katar o Mikaias. 25O Isias phlal katar o Mikaias, o Zakarias chavo katar o Isias. 26E chave katar o Merari o Majli ta o Musi, ta o chavo katar o Jaazias o Beno. 27O porodo katar o Merari kai sea chave katar leko chavo o Jaazias sea o Beno, o Soam, o Zakur ta o Ibri. 28Ta katar o Majli saia o Eleazar kai ni sea le chave. 29Ta katar o Kis, leko chavo o Jerajmeel. 30E chave katar o Musi sea o Majli o Eder ta o Jerimot. Gala sea e levitura prema lenge familie. 31Ta e familia katar o gazda ta e familia katar o mai terno mukle pe baj angla o charo o David, sar cherdea le e chave e Aaronoke, e Sadoke ta e Ajimeleke ta e gazda e poponenge ta e levitonenge.
Currently Selected:
1 Kronikas 24: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
