Ukunukuo 15

Mabë maküü ampeo

1Kangë nëgaona ndolyo ëngëja girunde, nküü na autacha. Faafo na gwina vamalaëka vëmufungatë vina mavë maküü ëmufungatë a mpeo. Gwa mavë asaa në maküü në ëmufungate ikuwo ra Muungu rakhondeka. 2Kangë nëgaona gëntu mwino irambo ra gërore, rëhangënkhaniywe na moto. Nëgavaona noo antu avoo nëvarëhumie imwana ëroo nanë sanamu akwe na unë rina rakwe rataniwe mwitarakimu ëroo. Antu avoo naa vëmëkie umpeo a irambo ëroo ra gërore, vëna masumbë a Muungu. 3Naa vëgwëmba ryëmbo ramwa Musa, mutumami wa Muungu, nanë ryëmbo ra Mwankhoo:

“Në nküü na ya utacha ntendo yako,

vee Müküü Muungu munya udaho!

Ya tütë na ya tütë go njëa yako,

4Anyu nëatiugukurya veve?

na gurëkumajua rina rakovee Müküü

Veve wimwenedu unë wë mweru,

anaa arëmi voong'e vejie na ugukurya

gusoko a ntendo yako në njija.”

5Nënaa asaa akhonda nëgaona hekalu ra ihema ra usudangëi girunde rërughuwe. 6Na vamalaëka vasaa në vëmufungatë në vina mavë ëmufungatë vëgadua mukhatë a hekalu, vëryë masaa a gëtani njija ëufëmpëna na mëkhova a sahabu muvikuva vyawe. 7Na umwedu wa ntundo ëyoo në ina ufanga në ine ëgavafa vamalaëka vasaa në vëmufungatë mabakuri a sahabu ëjüe ikuo ra Muungu, nëuduvie khae na khae. 8Hekalu rëgagijuywa yuki në rëfumie u weru nanë nguu ya Muungu, gutie muntu nëagadaha gëngëa muhekalu faka mpeo a mavë maküü ëmufungatë a vamalaëka avoo në vëmufungatë.

Currently Selected:

Ukunukuo 15: RIMRC

Highlight

Copy

Compare