Malumbo 88
88
1Ee Mzuri, Izuwa wa lukio lwangu: naiya hemusi na kio msongorana wako.
2Luombo lwangu luingie msongorana wako: uinamije isikio lako hena kiiyo kyangu.
3Amu ngoma yangu yaizua mawasi: na moo wangu usongeria ahera.
4Natarwa hamwe nawo wesea na iwongo: nimi sa mundu esina lughenjo.
5Nataghwa ghati ya wefwie, sa wala wekomwa weshinjia mbireni: wala usiwakumbukawa, nawo wechwiwa mkononi hako.
6Uniyaja ghati ya iwongo la si: ghati ya handu ha kija, ghati ya heforeke.
7Oro yako yaemea wanga yangu: na unirisha wasi na visibwe vyako vyose.
8Uniwikia waghenji wangu hae; uniosha shishirro hawo: nachungwa nisiidime kufuma.
9Ijiso langu lanyamarika hena lwa wasi: nakuitangia misi yose, Ee Mzuri, nakurongia mikono yangu.
10Unewawondjia wefwie marighio: wefwie wenewuka wenekuisisa?
11Lukundo lwako lunetindwa mbireni: kana luitikijo lwako ghati ya kunyamarwa?
12Marighio mako menetisiwika kijeni: na ngalo yako ghati ya isanga la kuiwaa?
13Kake nakuiyia We, Ee Mzuri: na heyawo luombo lwangu luneza msongorana wako.
14Mzuri, nini uitagha ngoma yangu: nini uniwisie wusho wako?
15Nala wasi na nakunda kufwa too wudongo wangu: magheri nawawiwa hena maitusho mako naitalwa.
16Oro yako ikaehe ivetia wanga yangu: maitusho mako manichwa.
17Wenijunguluka sa mbombe hemusi puti: wakanizia hamwe mbai jose.
18Uniwushijia hae mwenye kunikunda na mbuyaa: na waghenji wangu kijeni.
Currently Selected:
Malumbo 88: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
