Malumbo 84
84
1Nize masikani jako ni jedi: Mzuri wa malweriri we!
2Ngoro yangu ina nyami, ee, yasokea hena viwanza vyakwe Mzuri: ngoro yangu na muri wangu jamwiyia Izuwa mwenye moo.
3Ee, kadeghe kawona nyumba yakwe, na njerunjeru handu ha kuyaja waana wakwe: visiko vyako, ee Mzuri wa malweriri, Mfumwa wangu, na Izuwa wangu.
4Wetasiwa wala wetua na nyumba yako: weneoka wekikuisisa misi yose.
5Etasiwa mundu ula ena zinya ghati yako: na ngoroni hakwe nzia mbaha hena Sayuni.
6Wekivetia ghati ya Iwongo la Kuiya weliosha handu ha maluchoro: ee, mvua ya kuwoka yaifinikira na matasio.
7Wetonga kufuma zinya mtano zinya: mundu ose wawo ewonwa msongorana wakwe Izuwa ghati ya Sayuni.
8Ee Mzuri Izuwa wa malweriri, ulusikie luombo lwangu: ung’ole isikio, ee Izuwa wa Yakobo.
9Yoa, ee Izuwa ngao yetu: uwone wusho wakwe ula egeriwe mafuta na we.
10Amu musi viwanzeni hako keba kukela elfu: keba kashi nioke mrinda‐mbenge nyumbeni hakwe Izuwa wangu, kukela nitue na hema ja owiwi.
11Amu Mzuri Izuwa ni nzano na ngao; Mzuri eneng’ola mvono na kirumi: nete tehenaho kindu kyedi enewaima wala wesela nezo.
12Ee Mzuri wa malweriri: etasiwa mundu ula eitikija hena we.
Currently Selected:
Malumbo 84: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
