Malumbo 83
83
1Ee Izuwa, usihuje: usiswije lumi lwako, na usihuje chwi, ee Izuwa.
2Amu, yoa, maring’a mako weketa limana: na wala wekusua wewushija mtwi.
3Wela ngiliwata hena ukeleki wanga ya wandu wako: weteta hamwe wanga ya wawiswa wako.
4Wetetie, Nzooni, tuwachwe wasiokewa mbare: nesa izina la Israeli lisikumbukwewa.
5Amu welie ngiliwata hamwe na ngoro mwe: weareha aghanyo wanga yako.
6Hema ja Edom na Waishmaeli: Moabi na Wahagari.
7Gebali, na Ammon, na Amaleki: Filistia na wala wetua Turo.
8Asshuri pia egurana nawo: weokie wekiwaghenja waana wakwe Luti.
9Uwaketie sandu umketie Midian: sa Sisera, na sa Yabin, ha mfuro Kishoni.
10Wala wetekie ha Endori: wakaoka sa kitondo hena masanga.
11Uwaoshe njama wawo sa Orebi na Zeebi: ee, wafumwa wawo wose sa Zebah na Zalmunna.
12Ewo wetetie, Tukugurie nesa tuhete: matuo makwe Izuwa.
13Ee Izuwa wangu, uwaoshe sa purughushe itikwe uko na uko: sa makuku msongorana wa ngungu.
14Sa moto ukishota kitito: na sa luwerewere lwa moto luoshie nduwi jishe.
15Huwo uwakinye na ngungu yako: na uwaitushe na ngungu yako mbaha.
16Umaizuje mawusho mawo na kuitalwa: nesa waliende izina lako, ee Mzuri.
17Wagurwe ni soni na waondoke ndarasi: ee, waitalwe na wateke.
18Nesa watisiwe ti we Mjenye, izina lako Yahuwa: niwe Eye wanga ya vyose ghati ya masanga mose.
Currently Selected:
Malumbo 83: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
