Malumbo 51
51
1Unisarie, Ee Izuwa, hena wingi wa uwedi wako: hena uwedi wa masario mako uwushije matekwamangu.
2Unioje den’ge ghati ya owiwi wangu: unizerrije ghati ya ng’oki jangu.
3Amu naghamba matekwa mangu: na ng’oki jangu msongorana wangu misi yose.
4Wanga yako tiki naketa ng’oki, niarehe owiwi mesoni hako: nesa uoke na ngalo hena kuteta kwako, uzerrike magheri ma kuchiliwa.
5Yoa, nilungiwe ghati ya kutekwa: na ghati ya ng’oki iya enitikie.
6Kake yoa, ukundie kididi ndeni: unenitisiwija kucha hena mbiso.
7Unenihaija na husopo, nami ninezerrika: unenioja, nami nineoka mjewa kukela Kiboo.
8Unenisikija mburi ya luizhirwo na luisejo: nesa mawindi umabae maizihirwe.
9Ugharushe wusho wako hena ng’oki jangu: uwushije matekwa mangu mose.
10Uniarehie ngoro izerire, Ee Izuwa: uarehewa ngoma yedi ndeni hangu.
11Usinikinye msongorana wako: nete usiniwushijie Ngoma yako Mshenete.
12Uniingewa ludindijo lwa lughenjo lwako: unidindije na Ngoma yako ianguhe.
13Niho ninewalosha watekwa nzia jako: na wenye ng’oki wenegharushwa hako.
14Unikije ghati ya lukake lwa sakame, Izuwa, niwe Izuwa wa kuduwa kwangu: na lumi lwangu luneluwinia luisiso lwako.
15Unejughua miomo yangu, Mzuri: na itumbu langu linewonya luisiso lwako.
16Amu toukundie itasi, kwakicha niking’ola: kake touisejwa na matasi ma kushota.
17Itasi la Izuwa nilo ngoro ihuike: ngoro ihuike na ibaike, Ee Izuwa, touneidaawe.
18Uoke wa lukundo na wa lusario ha Sayuni: umajenge malusarigho ma Yerusalemi.
19Niho uneisejwa na itasi la ngalo; na matasi ma kushota na mang’olwa: niho weneng’ola nzao hena kisiko chako.
Currently Selected:
Malumbo 51: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
