Malumbo 50
50
MUSI 10 HEYAWO
1Izuwa eye Izuwa, eteta: eitanga masanga kufuma kukwea kwa nzano mtano kusea kwakwe.
2Kufuma Sayuni, wuirowili wa uwedi: Izuwa efumiria.
3Izuwa wetu eneza, na tenehujaye: moto unela msongorana wakwe, na ineruruma muno mbai na mbai yakwe.
4Enejiitangia wanga: na masanga, nesa awachilie wandu wakwe.
5Wunganyeni weshenete wangu hangu: wala weareha lutemiano nami hena itasi.
6Amu wanga jineitoranya ngalo yakwe: amu Izuwa ni mchili mwenye.
7Sikijeni, wandu wangu, na nineteta; Israeli, ninekung’olia mburi: nimi Izuwa, Nimi Izuwa wako.
8Sinekudewera hena matasi mako: na matasi‐ma‐kushota mako meoho msongorana wangu misi yose.
9Sineuhami ng’ombe ghati ya nyumba yako: nete zenge ghati ya virigha vyako.
10Amu nyama yose ya kititoni yangu: na ngo’mbe wanga ya nduwi elfu.
11Najitisiwa ndeghe jose ja nduwini: najo nyama ja shighati nijo jangu.
12Kwakicha nasikia nzaa, sinekuwurra: amu masanga ni mangu, na kuizua kwakwe.
13Ninela nyama ya zao: kana ninenywa sakame ya mbuji?
14Mng’olia Izuwa itasi la‐haika: umwihie Eye wanga ya vyose viraro vyako.
15Uniitange musi wa wasi: ninekukija, na unenirumisha.
16Kake Izuwa ewawurra wawiwi, Nize ndima yako kumatoranya maitanawo mangu: na ti wauha aghanyo langu itumbuni hako?
17Ukioka wasua kuloshwa: na watagha viteto vyangu nyuma yako.
18Ukiwona muhiwi waarehiane naye: ukashanganya nawo washindi.
19Wang’ola itumbu lako hena owiwi: na lumi lwako lwaareha ukeleki.
20Waikaa na wateta wanga ya mundwenyu: wamrigha mwana wakwe mamako mwenye.
21Uviketie vindu ivi nikahuja: ukagheshijia ti nimi deng’e sa we mwenye; ninekudewera, na ninewaarehia mesoni hako.
22Ingeriaha kusareni iki, unywi mwaiwaa Izuwa: nisimucharandua, asioke mundu wa kukija.
23Ula eng’ola itasi la haika enirumisha: na ula eareha mitongie yakwe yedi ninembonyia lukio lwa Izuwa.
Currently Selected:
Malumbo 50: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
