Malumbo 45
45
1Ngoro yangu yaizua pacha na kindu kyedi: naviteta vindu namwarehia mfumwa
2Lumi lwangu nilo kalamu: lwa mundu mwanguhe wa kutama.
3Niwe wedi kukela waana wa wandu; mvono umiminiwa miomoni hako: amu ii Izuwa ekutasia ndarasi.
4Uchunge muhandi wako kigheni hako, mwenye zinya we: kirumi kyako na ubaha wako.
5Na ghati ya ubaha wako ukikwea vetia na nguwari, amu ya kididi na kinyenya na ngalo: na mkono wako wa kuume unekulosha vindu vya kuitusha.
6Mivwi yako ikaehe; mbare jagwa si yako: ioho ngoroni ha maring’a ma mfumwa.
7Kiikayo kyako, ee Izuwa, nikyo kya ndarasi: isibo la singisi ni isibo la ufumwa wako.
8Ukundie ngalo, ukasua uresi: amu ii Izuwa, Izuwa wako, ekugera mafuta ma luizihirwo kukela waghenji wako.
9Suke‐ja‐kudoka jako jose janyuka manemane, na undi, na mdalasini: kufuma nyumba‐ja‐kifumwa ja majegho vinubi vyakuiseja.
10Waana wa wafumwa ghati ya wache wako wenye nganyi: hena mkono wako wa kuume malkia eimuka mwenye thahabu ya Ophir.
11Sikija, ee mwana, ukusare, uinamije isikio lako: uwaiwae pia wandu wako mwenye, na nyumba ya waweo.
12Ni huwo mfumwa eneukunda uwedi wako: amu niye Mzuri wako; na unemwomba we.
13Na mwana‐wa‐kiche wa Turo eneoka hala na kiingijo: nawo wenye mali ghati ya wandu weneomba lughenjo hako.
14Mwana‐wa‐kiche wa mfumwa eoho, wedi deng’e: suke‐ja‐kudoka jakwe jichumiwe na rachi ya thahabu.
15Eneetwe ha mfumwa ekidoka ndima ichumiwe: wabora waghenji wakwe wemratera weneetwe hako.
16Weneetwe na luisejo na luizihirwo: weneingia na nyumba‐ya‐kifumwa yakwe mfumwa.
17Handu ha wawaweeo wako weneoka waana wako: unewaosha njama ghati ya masanga mose.
18Nineliosha izina lako likumbukwe ghati ya marika mose: amu ii wandu wose wenekuinga haika ndarasi na ndarasi.
Currently Selected:
Malumbo 45: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
