Malumbo 44
44
MUSI 9 HEYAWO
1Twasikia na masikio metu, ee Izuwa, waapa wetu wetuwurra: ndima ani wahira misi yawo, misi ya kae.
2Ujikinyie mbare na mkono wako, ukawahanda woo: ukawarisha wandu wukiwa, ukawatoranya.
3Amu tewegurawo isanga na muhandi wawo wenye, nete mkono wawo wenye touwakijie: kake mkono wako wa kuume, mkono wako na kyangaji kya wusho wako, amu uwakundie.
4Niwe Mfumwa wangu, ee Izuwa: aghanya lukio hena Yakobo.
5Hena we tunewaghusha maring’a metu: hena izina lako tunewawata si wala wewuka wanga yetu.
6Amu sineuing’idaki wuta wangu: nete muhandi wangu tounenikija.
7Kake we watukija ghati ya wazo wetu: ukawaitukuru wala wetushishirwa.
8Hena Izuwa twakuisisa hemusi puti: na tuneling’ola izina lako haika ndarasi.
9Kake ingeriaha watutagha, watugera soni: na toufumawe hamwe na malweriri metu.
10Watuosha tugharuke hena mzo: nawo wetushishirwa wetutahia.
11Watung’ola sa maghonji hena kidjo: na utubarasakanya ghati ya mbare.
12Watagha wandu wako huwo: nete touwonawe mbucha hena zora yawo.
13Watuosha sola hena walatya wetu: wadawa na wasekwa hena wandu wetujunguluka.
14Watuosha mashomio ghati ya mbare: kukushakusha kwa mtwi ghati ya wandu.
15Hemusi puti nguruna yangu msongorana wangu: na soni ya wusho wangu inifinikira.
16Amu ighonda lakwe mwenye kuitukuru na kurigha: amu ya mring’a na mwihija‐lawi.
17Iki kyose kyatugura: kake totukuiwaa, nete totuliketia aghanyo lako hena ukeleki.
18Ngoro yetu teigharuka nyuma: nete mawato metu temeng’oleka na nzia yako.
19Ukioka watuhua ghati ya handu ha mabau: watufinikira na kivuri kya kifwa.
20Tukioka tuliiwaa izina la Izuwa wetu: kana tumrongia mikono yetu izuwa igheni:
21Izuwa tenekienda: amu etisiwa vya‐mbiso vya ngoro.
22Ee, hena lwako twakomwa hemusi puti: twatarwa sa ng’onji hena kusinzwa.
23Uwuke, ee Mzuri, nini washinjia: uwuke, usitutaghe ndarasi.
24Nini wauwisa wusho wako: ukiiwaa wasi wetu na kuinyalwa kwetu.
25Amu ngoma yetu yainama purughusheni: ndeni yetu yagurana na si.
26Uwuke hena lughenjo lwetu: na utukombole hena lwa lukundo lwako.
Currently Selected:
Malumbo 44: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
