Malumbo 19
19
MUSI 4 HEYAWO
1Wanga jakitoranya kirumi kya Izuwa: mwanya wa ghati utinda mburi ya ndima yakwe.
2Hemusi yang’ola kiteto hena hemusi: na kio kyang’ola lutisiwo hena kio.
3Tehena nete viteto nete vighambo: ighonda lawo teliidima kusikiwa.
4Mtambara wawo uvetia ghati ya masanga mose, na viteto vyawo mtano kuidiwika kwa masanga: ghati yawo egera hema hena nzano.
5Niyo sa mwenye‐ngasu ekifuma na nyumba yakwe: na yaizihirwa sa mundu mwaaria ekitonga na nzia yakwe.
6Mifumie yakwe ni kufuma kuidiwika kwa masanga, na kujunguluka kwakwe mtano miidiwiko yakwe: nete tehena kindu kyawiswa hena moto wakwe.
7Sheria lakwe Mzuri liirowili, likidindija ngoma: mburi ya Mzuri iduwie, ikiwacheija wetomode.
8Maitanawo makwe Mzuri merongeke, mekiiseja ngoro: aghanyo lakwe Mzuri lizerre, likiangaja meso.
9Luondoko lwa Mzuri luzerre, lukiikaa ndarasi: mawuchili ma Mzuri ma singisi, na ma ngalo deng’e.
10Nimo ma kukundika kukela thahabu, ee, kukela thahabu yedi: menonie pia kukela nzoke na malala ma nzoke.
11Nawa henamo esinga lako ewondjwa: na hena kumagura ewona mbucha nyingi.
12Niani ula etisiwa matekwa makwe: unizerrije ghati ya vindu viwisiwe.
13Umswije esinga lako pia ghati ya ng’oki ja mafuti; jisiniitorie: niho nineirowili, na ninezerrika ghati ya kutekwa kubaha.
14Viteto vya itumbu langu na makusaro ma ngoro yangu makundike na We misi yose: Ee Mzuri, Ibwe langu, na Mkombola wangu.
Currently Selected:
Malumbo 19: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
