Malumbo 17
17
1Sikia ngalo, Ee Mzuri, ukikumbuke kiiyo kyangu: usikije luombo lwangu, lusifume na miomo ya ukeleki.
2Wuchili wangu ufume msongorana wako: meso mako maiyoe singisi.
3Unigheshe ngoro yangu; uniyoie magheri ma kio: unigheshe, usiwone kindu; nagura nzia itumbu langu lisitekwe.
4Mihiro ya wandu, hena kiteto kya miomo yako: nakurinda nisiingie na nzia yawo wenyamara.
5Mawato mangu magurana nezo na nzia jako: maghu mangu temetandarikamo.
6Nakuitangia, amu unenitalwa, Ee Izuwa: uniinamijie isikio lako, usikie kuteta kwangu.
7Uwondje lukundo lwako lwa kuing’asija, We uwakija wala wekuitikija: ghati ya wala wewawukia, hena mkono wako wa kuume.
8Unirinde sa kimee kya ijiso: uniwise si ya kiwuri kya mazawu mako.
9Ghati yawo wawiwi weniinyala: maring’a ma moo wangu, wenijunguluka mbai jose.
10Wechungwa na kubanda kwawo: weteta vindu vya mafuti na itumbu lawo.
11Wetujunguluka ingeriaha ghati ya mawato metu: wegera meso mawo watughushe si.
12Efwanana na simba ikundie muno mayemo makwe: na sa mwana simba iyayia handu ha mbiso.
13Uwuke, Ee Mzuri, umrongorie, umghushe si: uikije ngoma yangu ghati ya wawiwi hena muhandi wako.
14Ghati ya wandu, hena mkono wako, Ee Mzuri; ghati ya wandu wa masanga, ngata yawo ni ya kukia uku, na ndeni yawo uiizuja na vindu vyako: weighuta na waana, na weshigha mashighajiko ma mali mawo hena waana wawo.
15Na mi, nineuyoa wusho wako ghati ya ngalo: nineighuta, nineikaniwuke, na mfwanano wako.
Currently Selected:
Malumbo 17: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
