Malumbo 139
139
MUSI 29 HEYAWO
1Ee Mzuri, waniendaenda: na niwe wanitisiwa.
2Watisiwa kuikaa kwangu na kuwuka kwangu: watwarija kukusara kwangu hae.
3Waiendaenda nzia yangu na kushinjia kwangu: wamatisiwa mavetio mangu mose.
4Amu tehenaho kiteto lumini hangu: kake yoa, ee Mzuri, wakitisiwa deng’e.
5Waniarehia mbai jose: wauwika mkono wako wanga yangu.
6Kutisiwa uku kwaing’asija mtano kunilela: ni kwa wanga muno, siidimami kukufikia.
7Nihi nitonge kufuma ngoma yako: kana nihi nidindike wushoni hako?
8Nikikwea na wanga, hala uoho: nikiareha wui wangu ghati ya Sheol, yoa, hala uoho.
9Nikiuha mazaghu ma heyawo: na nikitua na miidiwiko ya bahari;
10Mtano na hala mkono wako unenirongoria: na mkono wako wa kuume unenigura.
11Nikighamba, Kididi kija kinenifinikira: na kiangaji kinijunguluka kineoka kio.
12Mtano na kija tekikuwisia, kake kio kyawaa sa hemusi: kija na kiangaji vyose viri vyaringanana hako.
13Amu niwe uarehie vikudi vyangu: ukanifinikira ndeni hakwe iya.
14Ninekuanjela; amu naarehwa hena nzia ya kuitusha na kuing’asija: ndima jako jaing’asija; na ngoro yangu yakitisiwa nezo.
15Muri wangu touwiswa hako, nikinaarehwe na mbiso: na nikinawumbwe hena mbai ja si ja masanga.
16Meso mako makaniwona magheri nisimearehwa, na ghati ya chuo chako marungo mangu mose makatamwa: mewumbwe musi hena musi, magheri temeokie nete limwe.
17Nize makusaro mako mekundike hangu, ee Izuwa: nize kutara kwawo ni kubaha!
18Nikimatara, nimo meingi kukela mzangazi: nikiwuka, nioho na we.
19Kididi unewakoma wawiwi, ee Izuwa: hena iyo fumeni hangu, unywi wandu wa sakame.
20Amu weteta viwiwi wanga yako: na maring’a mako weliranga izina lako wesho.
21Siwasua wala, ee Mzuri, wekusua we: sireghijami na wala wewuka wanga yako?
22Nawasua na lusuwo luirowili: nawatara kuoka maring’a mangu.
23Uende hangu, ee Izuwa, na uitisiwe ngoro yangu: unigheshe, na umatisiwe makusaro mangu.
24Na uyoe kwakicha hena nzia ya owiwi hangu: na unitike na nzia ya ndarasi.
Currently Selected:
Malumbo 139: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
