Popular Bible Verses from Malumbo 139

Share

Ninekuanjela; amu naarehwa hena nzia ya kuitusha na kuing’asija: ndima jako jaing’asija; na ngoro yangu yakitisiwa nezo.

Uende hangu, ee Izuwa, na uitisiwe ngoro yangu: unigheshe, na umatisiwe makusaro mangu. Na uyoe kwakicha hena nzia ya owiwi hangu: na unitike na nzia ya ndarasi.

Amu niwe uarehie vikudi vyangu: ukanifinikira ndeni hakwe iya.

Meso mako makaniwona magheri nisimearehwa, na ghati ya chuo chako marungo mangu mose makatamwa: mewumbwe musi hena musi, magheri temeokie nete limwe.

Ee Mzuri, waniendaenda: na niwe wanitisiwa.

Nihi nitonge kufuma ngoma yako: kana nihi nidindike wushoni hako?

Watisiwa kuikaa kwangu na kuwuka kwangu: watwarija kukusara kwangu hae.

Amu tehenaho kiteto lumini hangu: kake yoa, ee Mzuri, wakitisiwa deng’e.

Waiendaenda nzia yangu na kushinjia kwangu: wamatisiwa mavetio mangu mose.