Malumbo 116
116
MUSI 24 HEYAWO
1Nimkundie Mzuri: amu esikia ighonda langu na kusemba kwangu.
2Amu einamija isikio lakwe hangu: hena iyo ninemwitangia misi yose nioho na moo.
3Nzighi ja kifwa janijunguluka: na kuwawiwa kwa Sheol kwanigura.
4Nikawona wasi na wukiwa, nikaliitangia izina lakwe Mzuri: Ee Mzuri, nakusemba, uikije ngoma yangu.
5Mzuri ni mwenye mvono, na mwenye ngalo: ee, Izuwa wetu ni wa lusario.
6Mzuri ewarinda wetomode: niokie nikiyejwa si, akanikija.
7Hunduka hena lusoghoko lwako, ee ngoma yangu: amu Mzuri akuketia na kuora.
8Amu uikijie ngoma yangu kifweni: meso mangu masing’ole masoji, na maghu mangu masigwe.
9Ninesela msongorana wakwe Mzuri: ghati ya isanga lawo wenye moo.
10Naitikija, amu nineteta; niokie na wukiwa wubaha: nikateta ghati ya kusara kwangu, Wandu wose wa maongo.
11Nikini nimng’olie Mzuri: hena vyedi vyakwe vyose eniketie.
12Nineiuha ndemwa ya lukio: na nineliitangia izina lakwe Mzuri.
13Ninemwihia Mzuri viraro vyangu, ee, msongorana wa wandu wakwe wose: kifwa kya washenete wakwe kya zora nyingi mesoni ha Mzuri.
14Ee Mzuri, kididi nimi muzoro wako: nimi muzoro wako, mwana wakwe mwana‐wa‐kibora wako, umachungua machungo mangu.
15Ninekung’olia itasi la kuanjela: na nineliitangia izina lakwe Mzuri.
16-19Ninemwihia Mzuri viraro vyangu, ee, msongorana wa wandu wakwe wose: ghati ya viwanza vya nyumba ya Mzuri, ghati na ghati yako, ee Yerusalemi; mwisiseni Mzuri.
Currently Selected:
Malumbo 116: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
