Malumbo 115
115
1Si hetu, ee Mzuri, si hetu, nde hena izina lako lung’oliwe luisiso: hena lwa lusario lwako, na hena lwa kididi yako.
2Hena kini mbare jighambe: Izuwa wawo eohohi ingeriaha?
3Kake Izuwa wetu eoho majumbini: ekiketie kyose ekikundie.
4Sanamu jawo ni fetha na thahabu: ndima ya mikono ya wandu.
5Wena matumbu, kake tewetetawo: wena meso, kake tewewonawo.
6Wena masikio, kake tewesikiawo: wena mafua, kake tewenyushawo.
7Wena mikono, kake tewegurawo, wena maghu, kake teweselawo: nete tewetetawo ghati ya mirangi yawo.
8Wala wejiareha wenefwanana nawo: ee, mundu ose eitikija henajo.
9Ee Israeli, itikija hena Mzuri we: niye lughenjo lwawo na ngao yawo.
10Ee nyumba yakwe Harun, itikija hena Mzuri: niye lughenjo lwawo na ngao yawo.
11Unywi mumwondoka Mzuri, itikijeni hena Mzuri: niye lughenjo lwawo na ngao yawo.
12Mzuri etukumbuka; enetutasia: eneitasia nyumba yakwe Israeli, eneitasia nyumba yakwe Harum.
13Enewatasia wala wemwondoka Mzuri: wabaha na wadongo pia.
14Mzuri enemunetija muno muno: unywi na waana wenyu.
15Unywi wakwe Mzuri mwatasiwa: eye ejiarehie wanga na si.
16Majumbi ni majumbi makwe Mzuri: kake ewainga waana wa wandu masanga.
17Wefwie tewemwisisawo Mzuri: nete ose esea ekiingia na kuhuja.
18Kake uswi tunemtasia Mzuri: too magheri ama na ndarasi. Mwisiseni Mzuri.
Currently Selected:
Malumbo 115: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
