Luka 5
5
1Ikaoka matorano wekimdudura wekisikija kiteto cha Izuwa, naye akaoka ekiimuka mbai ya ndiwa ya Galilaya; 2akawona ngalawa mbiri jiokie mbai ya ndiwa; kake waloi wefuma waoja nyavu jawo. 3Akaingia ngalawa mwe, iokie ya Siman, akamwomba asongeje hadongo kufuma kiwambara, akaikaa si, akalosha matorano ghati ya ngalawa. 4Na ekinaidiwe kuteta, akamburra Siman, Songeria mtano handu hena mbombe nyingi, museje nyavu jenyu, kusakia. 5Siman akamtalua, akamburra, Mzuri, Tuhirie kio bagha, tusiwone kindu: kake hena kiteto chako ninejiseja nyavu. 6Na wekinaarehe huwo, wakagura nguluma nyingi; nyavu jawo jikawoka kubajika. 7Wakawakonyia waghenji weokie ghati ya ngalawa ingi, wakaza, wakajiizuja ngalawa jose mbiri mtano kujizamija. 8Siman Petro ekinaviwone, akagwa maghuni ha Yesu, ekiteta, Mzuri, fuma hangu, amu mi ni mwenye ng’oki. 9Amu erighiwe, ye na wose weoho hamwe naye, hena nguluma jila wajiwonie. 10Na Yakobo huwo, na Yohana, waana wa Zebedayo, weokie washanga Siman. Yesu akamburra Siman, Usiondoke; too ingeriaha uneoka ukihora wandu. 11Na wekinajiete ngalawa kiwambara, wakashiga vyose, wakamratera.
12Ikaoka ekinaoke ghati ya kiongo kimwe, yoa, mundu egurwe muno kusumura: naye ekimbona Yesu, ekigwabu, akamwomba, ekiteta, Mzuri, ukikunda, waidima kunizerrija. 13Akaronga mkono, akamkuwara, ekiteta, Nakunda, uzerrike. Chwi kusumura kukamtana. 14Akamwaghanya asimburre mundu, kake, Tonga, ukuwondje hena mkara, ung’ole vya kuzerrika kwako, sandu Musa eaghanye, hena luwondjo hawo. 15Kake mburi jakwe jikaneta kutoranyika, na matorano meingi wakatorana kumsikija na kuhodjwa naye ndwari jawo. 16Kake ye eokie ekikukemba shighati ekiomba.
17Ikaoka musi mwe, akaoka ekilosha, na Wafarisayo na wetama weoho weikee si, weokie wefuma viongo vyose vya Galilaya na Uyahudi na Yerusalemi, Na zinya ja Mzuri jikaoka naye kuhodja. 18Na wandu watika mundu na wui, eokie ena ndwari ya kuwia, wakaenda handu ha kumwingija, na kumbika msongorana wakwe, 19na wesihawone ha kumwingija, hena matorano kuoka meingi; wakakwea ghuni, wakamseja ghati ya matofali hamwe na wui ghati na ghati msongorana wakwe Yesu. 20Naye ekinawone luitikijo lwawo, akamburra, Mundu, wawushijiwa ng’oki jako. 21Watama na Wafarisayo wakawoka kukanana, wekiteta, Niani uu eteta utiri? Niani aidima kuwushija ng’oki, esioke Izuwa mwenye? 22Akatwarija Yesu makusaro mawo, akatalua akawawurra, Nikini mukusara ngoroni henyu? 23Nikihi kianguhe kuteta, Wawushijiwa ng’oki jako, kana kuteta, Imuka, utonge? 24Kake nesa mutisiwe, ti Mwana wa Adamu ena zinya ghati ya masanga ajiwushije ng’oki, (akamburra ula mwenye ndwari ya kuwia), Nakuwurra, Imuka, tika wui wako, tonga nyumbeni hako. 25Chwi akaimuka msongorana wawo, akatika kila ekiyayia, akatonga nyumbeni hakwe, ekimwisisa Izuwa. 26Wakarighiwa wose, wakamwisisa Izuwa, wakaizua ni fole, wekiteta, Twawona vindu vibaha yoo.
27Ikuade akafuma, akawona mwuhia lushango, izina lakwe Lawi, ekiikaa handu ha lushango, akamburra, Uniratere. 28Akashiga vyose, akawuka, akamratera. 29Lawi akamwarehia kidjo kibaha nyumbeni hakwe, na weuhia lushango weingi na wandu wengi weokie wekiikaa hamwe nawo. 30Wafarisayo na wetama wakawanunuwikia waanalosha wakwe, wekiteta, Nikini kula na kunywa hamwe na weuhia lushango na wandu wenye ng’oki? 31Yesu akatalua akawawurra, Wala wesiwawiwa teweenda mughanga, nde wewadjua. 32Nami sizie kuitanga wandu wedi, nde wenye ng’oki, wachwe muti. 33Nawo wakamburra, Waanalosha wa Yohana wachunga keingi, na waomba muno, na waanalosha wa Wafarisayo huwo, kake wako wala na wanywa. 34Akawawurra Yesu, Muidima kuchungisha wandu weoho na ngasu, mwenye kuaika ekioka hamwe nawo? 35Kake misi ineza, mwenye kuaika eneikaewushijwe hawo, niho weneikawachunge misi ila. 36Akawawurra na mfwanano, Ti tehena mundu egera kidame cha suke sha wanga ya suke isakae; ekigera, ila sha ibaja, na kidame cha suke sha tekigurana na ila isakae. 37Nete tehena mundu agera mawa masha ghati ya vikuchu visakae; ekigera, mawa masha menebaja vikuchu vila, na mawa meneitika, na vikuchu vinenyamarika. 38Kake mawa masha ni kugerwa ghati ya vikuchu visha, na vyose viri vinekia. 39Nete tehena enywa mawa ma kae akunda masha; amu eghamba, Keba ma kae.
Currently Selected:
Luka 5: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.