Hena Wagalatia 4
4
1Kake naghamba ti mhoji, magheri ma kuoka mwana, telelane kindu na mzoro, ekioka mzuri wa vyose; 2kake ni si ya warindi na virote, mtano magheri mawikwa na wawee. 3Huwo na uswi pia, tukinaoke waana, tuokie wuzoroni si ya miwoko ya masanga: 4Kake magheri mekinaringanie, Izuwa emng’olie Mwana wakwe, ewoneke wa mche, 5ewoneke si ya sheria, Nesa awakombole wala weokie si ya sheria, tuwone kuingwa mikayie ya waana. 6Na amu ya kuoka waana unywi, Izuwa emng’olie Ngoma ya Mwana wakwe iingie ngoroni hetu, ikiiya, Abba, Apa. 7Huwo we siwe mzorowa, nde mwana; na kwakicha mwana, mhojiwa hena Izuwa. 8Kake magheri mala, musimemtisiwa Izuwa, muokie wuzoroni hena wala ewo hena lukishoni siwo maizuwa: 9Kake ingeriaha mukiidiwa kumtisiwa Izuwa, kana keba mukitisiwika na Izuwa, nize mwagharukawa nyuma hena miwoko minana na mifaa, henayo mukundie kuokawa wuzoroni? 10Mwagura misi, na mieji, na viimo, na miaka. 11Naituka hena lwenyu, isioke ngea nimuhirie ndima wesho.
12Namusemba, wandwetu, muoke sa mi, amu mi ni sa unywi. Tomuniketie viwiwi: 13Mwatisiwa ti hena wunana wa muri nimutindie anjili kuwoka: 14na ighesho lenyu ghati ya muri wangu tomulidae, nete tomulisuie; kake muniuhie sa malaika wa Izuwa, sa Kristo Yesu. 15Nihi‐ra kuoka keba kwenyu? Amu namshuhudia, ti, kwakicha kiidimike, muking’ola meso menyu mukiniinga mi. 16Huwora naoka mring’a wenyu, amu namburra kididi? 17Wemuenda na lunyarki hena nzia esiyedi: hai, wekundia kumfingia mbenge, nesa muwaende wo. 18Kake ni kyedi kuendwa na lunyarki ghati ya kindu kyedi magheri mose, na si magheri nioho henyu tiki. 19Waana wangu wadongo, hena unywi nagurwa na kuwawiwa kandu ka keri mtano Kristo aarehwa ndeni henyu, 20ee nekikunda kuoka henyu ingeriaha, na kugharusha ighonda langu, amu naitalwa hena lwenyu.
21Niwurreni, unywi mukundie kuoka si ya sheria, tomuisikia sheria? 22Amu itamiwe, ti Ibrahimu eokie na waana weri, mwe hena mche‐mzoro, na mwe hena mche‐esimzoro. 23Kake mwana hena mche‐mzoro ewoneke hena muri, kake mwana hena mche‐esimzoro ewoneke hena lutemiano. 24Ama meokie hena mfwanano: amu awa wache ni maaghanyo meri; limwe la kufuma nduwi Sinai, likiwona waana hena wuzoro, niyo Hagar. 25Na Hagar uu ni nduwi Sinai ioho Arabuni, ifwanana na Yerusalemi ya ingeriaha: amu eoho wuzoroni hamwe na waana wakwe. 26Kake Yerusalemi wa wanga ni mzoro, eye iya wetu. 27Amu itamwie, Uizihirwe, ndasa we, usiwona waana; uwushije ighonda, ureiya, we usimeoka na luwawo: amu weingi waana wakwe ula eshighwa kukela wakwe mwenye mume. 28Ingeriaha uswi, wandwetu, sandu Isaak eokie, tu waana wa lutemiano. 29Kake sandu magheri mala ula ewoneke hena muri emkinyie ula ewoneke hena Ngoma, ni huwo pia ingeriaha. 30Kake nikini litetie itamo? Mtaghe shighati mche‐mzoro na mwana wakwe: amu mwana wa mche‐mzoro tenehoja hamwe na mwana wa mche‐esimzoro. 31Hena lwa iyo, wandwetu, uswi si waana wa mche‐mzoro, nde wakwe esimzoro.
Currently Selected:
Hena Wagalatia 4: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
