Hena Wagalatia 3
3
1Unywi Wagalatia musina kucha, niani emuoghie, Yesu Kristo ekioka etamiwe mesoni henyu ewanikwe? 2Iki tiki nikundie kuloshwa na unywi, Muuhie Ngoma hena mihiro ya sheria, kana hena kusikia kwa luitikijo? 3Tomuchee mtano huwo? Mukiwoka ghati ya Ngoma, mwakunda kukurijwa ghati ya muri? 4Mwawawiwa vindu viingi sa vila wesho? kwakicha kididi ni wesho. 5Ula emng’olie Ngoma, na eareha zinya ghati yenyu, eiketa hena mihiro ya sheria kana hena kusikia kwa luitikijo? 6Sandu Ibrahimu emwitikije Izuwa, ikatarika hakwe hena ngalo. 7Hena lwa iyo tisiweni, ti wala ewo wa luitikijo, awa niwo waana wa Ibrahimu. 8Nalo itamo, likiwona kuwoka ti Izuwa enawaarehia ngalo Mambare hena luitikijo, limtindie Ibrahimu anjili kuwoka, likiteta, Ghati yako mbare jose jinetasiwa. 9Huwo wala ewo wa luitikijo wetasiwa hamwe na Ibrahimu mwenye luitikijo. 10Amu wose ewo wa mihiro ya sheria weoho si ya iseso: amu itamiwe, Eseswa mundu ose esihira vila vitamiwe ghati ya chuo cha sheria, aviarehe. 11Na ti tehenaho mundu earehiwa ngalo mesoni ha Izuwa hena sheria, ni raa: amu, Wenye ngalo wenekia hena luitikijo. 12Na sheria si ya luitikijo; kake, Ula eviareha vila enekia ghati yavyo. 13Kristo etukombole ghati ya iseso la sheria, ekioka iseso hena lwetu: amu itamiwe, Eseswa ula ewanikwe wanga ya muti, 14Nesa lutasio lwa Ibrahimu luze wanga ya Mambare ghati ya Kristo Yesu; nesa tuluuhie lutemiano lwa Ngoma hena luitikijo.
15Wandwetu, nateta hena mikayie ya wandu: ikioka aghanyo la mundu tiki, kake likiidiwa kuduwijwa, tehena mundu eliosha lihaya kana eliongejia kiteto. 16Hena Ibrahimu na mkuju wakwe matemiano mearehiwe. Tetetaye, Na hena mikuju, sa weingi; nde sa mwe, Na hena mkuju wako, eye Kristo. 17Na naghamba iki; Aghanyo liduwijwe kuwoka na Izuwa, sheria, lizie nyuma, miaka maghana manne na makumi matatu, teiliteshayo, mtano kuluosha lutemiano lusina zinya. 18Amu kwakicha uhojo ni wa sheria, siwowa wa lutemiano: kake Izuwa emwingie Ibrahimu hena lutemiano. 19Huwo hena ndima ani sheria ioho? Iongejwa amu ya matekwa, mtano mkuju uneikauze, hakwe lutemiano luarehiwe, ikaaghanywa na malaika mkononi ha mundu‐wa‐ghati. 20Na mundu‐wa‐ghati si wa mwe: nde Izuwa ni mwe. 21Sheriara yalelana na malutemiano ma Izuwa? Kiwawe: amu kwakicha sheria yaidima kung’olwa ina zinya ya kuwainga wandu moo, kididi ngalo ikundie kuoka hena sheria. 22Kake matamo mechunga vyose kuoka si ya ng’oki, nesa lutemiano hena luitikijo lwa Yesu Kristo lung’olwe hena wala weitikija.
23Kake kuwoka lusimeza luitikijo, turindwe si ya sheria, tukichungwa hena luitikijo luneikalujughuwe ikwade. 24Huwo sheria iokie mkara wetu hena Kristo, nesa tuarehiwe ngalo hena luitikijo. 25Kake ingeriaha luitikijo lukiidiwa kuza, totuohowa si ya mkara. 26Amu unywi wose mwaoka waana wa Izuwa, hena luitikijo, ghati ya Kristo Yesu. 27Amu wose wenyu webatizwe ghati ya Kristo wemdokie Kristo. 28Teidima kuokawa nete Myahudi nete Myonani, teidima kuoka nete mzoro nete esimzoro, teidima kuoka nete wa kiume nete wa kiche: amu unywi wose mwaoka mwe ghati ya Kristo Yesu. 29Na kwakicha mwaoka wakwe Kristo, mwaoka mkuju wakwe Ibrahimu, wahoji hena lutemiano.
Currently Selected:
Hena Wagalatia 3: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
