Mihiro ya Waondo 21
21
1Ikaoka tukinatane nawo, tukatweka, tukaza na nzia irongeke mtano Koos, na musi wa keri mtano Rodo, na kufuma uko mtano Patara. 2Tukiwona merikebu yatonga mtano Foiniki, tukakwea, tukatweka. 3Na Kupro ikiwonwa, tukaishigha hena mbai ya kumoso, tukavetia mtano Shami, tukasea hena Turo, amu ni kunu merikebu yaseja mwagho wakwe. 4Tukiwona waanalosha tukaikaa uko misi mifungate. Wakamburra Paulo hena Ngoma, asikwee mtano Yerusalemi. 5Tukinaidiwe misi ila tukafuma, tukatonga; wose wakatufunya na wache na waana, mtano kufuma na kiongo: tukadung’uta kiwambareni, tukaomba. 6Tukaaghana nawo, tukakwea merikebuni, wakahunduka kaa.
7Tukinaidiwe kyaro kufuma Turo, tukafika Ptolemais; tukawakezia wasiri, tukaikaa hawo musi mwe. 8Heyawo tukafuma, tukaza Kaisariya: tukaingia nyumbeni hakwe Filipo mwanjilisti, eye wa wala wafungate, tukaikaa hakwe. 9Mundu uu eokie na waana‐wa‐kiche wanne, wasiri, waroti. 10Tukiikaa uko misi miingi, mroti, eitangwe Agabo akasea kufuma Uyahudi. 11Naye ekituzia, akauha ngana yakwe Paulo akakuchunga mikono na maghu, akaghamba, Ni huwo eteta Ngoma Mshenete, Huwo Wayahudi wa Yerusalemi wenemchunga mundu mwenye ngana ii, wenemng’ola ghati ya mikono ya Mbare. 12Tukinavisikie ivi, na uswi na wandu wa handu hala, tukamsemba asikwee Yerusalemi. 13Paulo akatalwa, Hena kini kuiya na kunibaa ngoro? amu nioho, nisichungwe tiki, kake nifwe pia ha Yerusalemi hena izina lakwe Mzuri Yesu. 14Na ekisua kuelejwa tukaiting’o, tukighamba, Sandu Mzuri ekundie kiketike.
15Kutera kwa misi ii tukaareha miagho, tukakwea mtano Yerusalemi. 16Wakaraterana na uswi waanalosha wa Kaisariya, wakaete hamwe nawo Mnason wa Kupro, mwanalosha wa kae, nesa tuikae nyumbeni hakwe.
17Tukinafike Yerusalemi, waanalosha wakatusongerija hena luizihirwo. 18Musi wa keri Paulo akaingia na uswi hena Yakobo; weokie na waghosi wose. 19Ekinaidiwe kuwakezia akawajughuiya kimwe kimwe vindu eviarehie ghati ya Mbare hena luindo lwakwe. 20Wekinasikie wakamwisisa Izuwa. Wakamburra, Wawona, mundwetu, maghanaikumi amo weoho wa Wayahudi weitikija, nawo wose wenye luneng’o hena torati. 21Na wewurriwe mburi yako, ti uwaloshie Wayahudi wose weoho ghati ya Mbare kumshigha Musa, ukiwawurra wasitawane waana, nete wasitonge hena mikayie. 22Huwo kyaikeeze? 23Wenesikia ti uzie kididi. Amu ii keta kindu iki twakuwurra: tuna wandu wanne wenye luraro; 24uwauhe, ukuzerrije hamwe nawo, uwang’olie fetha wakuenje mitwi: na wose wenetisiwa ti vindu wewurriwe wanga yako si vya kididi, kake we mwenye watonga hena mitongie, ukiigura torati. 25Nawo wa Mbare weitikija, tutamie, tuking’ola kiteto wakurinde ghati ya vindu vyang’olwa hena sanamu, na ghati ya sakame, na vila vyanyamwa, na ghati ya kushinda. 26Paulo akawauha wandu, musi wa keri akakuzerrija hamwe nawo akaingia ghati ya hekalu, awonye luidiwiko lwa misi ya kuzerrijwa, mtano itasi lang’olwa hena mundu ose wa hawo.
27Mtano misi mifungate ikinakunde kusia, Wayahudi wefumie Asia wekimbona hekaluni, wakawusha wandu, wakamgera mikono, 28wekiiya, Wome Waisraeli, ghenjeni: Uu niye mundu, elosha wandu wose handu hose wanga ya wandu, na sheria, na handu aha: nawa ewaetie Wayonani ghati ya hekalu, akahagera ikwe handu heshenete aha. 29Amu wewonie hamwe naye kiongoni Trofimo Mwefesi, wakaghamba Paulo emwetie hekaluni. 30Kiongo kyose kikawushwa, wandu wakawunganyika wekisara: wakamgura Paulo, wakambulula ghati ya hekalu: chwii maluwi makachungwa. 31Wekinakunde kumkoma, mburi ikamfikia mbaha wa lweriri, ti Yerusalemi yose ioho na kilozo. 32Chwii akauha asikari na amiri, akawadindikia: nawo, wekinambone mbaha wa lweriri na asikari, wakashigha kumbigha Paulo. 33Mbaha akasongeria, akamwuha, akaaghanya achungwe na nyise mbiri; akawujanya niani niye, na nikini eketie. 34Wengi ghati ya matorano wakaloza kindu kimwe, wengi kindu kingi: naye asiidime kutisiwa nezo amu ya kilozo, akaaghanya aetwe na kichungo. 35Wekinafike wanga ya videngu, akatikwa ni asikari hena zinya ya wandu: 36amu matorano ma wandu wakamratera, wekiiya, Mbushije!
37Ekinakunde kuingijwa kichungoni Paulo akamburra mbaha wa lweriri, Unikundija kuteta na we? Akaghamba, Watisiwa Kiyonani? 38Siwe Mmisri ula earehie kilozo kya misi ii, akatika shighati wandu maghana ikumi wakomi? 39Paulo akaghamba, Nimi Myahudi, Mtarso wa Kilikia, inoti la kiongo si kinana. Nakuomba, unishighe nitete na wandu wala. 40Naye ekikunda, Paulo, ekiimuka wanga ya videngu, akawakonya wandu mkono, na wekihuja chwii akateta nawo hena viteto vya Kiebrania, ekighamba.
Currently Selected:
Mihiro ya Waondo 21: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
