Mihiro ya Waondo 19
19
1Ikaoka Apollo ekinaoke Korinto, Paulo ekivetia ghati ya masanga ma wanga akaza Efeso, 2akawona waanalosha, akawawurra, Muuhie Ngoma Mshenete mukinaitikije? Wakamtalwa, Hai, totusikie uswi mtano ti Ngoma Mshenete eoho. 3Akaghamba, Hena kiniwa mwabatizwa? Wakaghamba, Hena lubatizo lwa Yohana. 4Paulo akaghamba, Yohana ebatize lubatizo lwa kuchwa‐muti, ekiwawurra wandu wamwitikije ula eneza nyuma yakwe, niye Masihi Yesu. 5Wekinasikie wakabatizwa hena izina la Mzuri Yesu. 6Paulo ekinawagere mikono, Ngoma Mshenete akawazia, wakateta na malumi, wakarota. 7Wakaoka wose sa wandu ikumi na weri.
8Akaingia na sunagogi, akateta na some magheri ma mieji mitatu, ekiteta na ekieleja vindu vya ufumwa wa Izuwa. 9Wengi wekioka wedindie na wegolong’i, wekiitetia viwiwi Nzia msongorana wa matorana, akafuma hawo, akawatanya waanalosha, ekiteta musi hena musi ghati ya darasa ya Turano. 10Ikaoka huwo magheri ma miaka miri: mtano wose weikee Asia wakasikia kiteto kya Mzuri, na Wayahudi na Wayonani. 11Izuwa akang’ola zinya si ya misi yose hena mikono yakwe Paulo: 12Mtano wewadjua wakaetiwe vidame na suke ghati ya muri wakwe, ndwari jikawashigha, maluhungu makafuma. 13Wandu wa Wayahudi wesela uko, waghanga, wakawoka kuteta wanga yawo wenye maluhungu mawiwi izina lakwe Mzuri Yesu, wekiteta, Namuraria hena Yesu emtindie Paulo. 14Wakaoka waana wafungate wa Skewa Myahudi, mkohani mbaha, weketie huwo. 15Luhungu luwiwi lukatalwa lukawawurra, Yesu nimtisiwe, na Paulo namtwarija: kake unywi niwani? 16Mundu mwenye luhungu luwiwi akawatorokia, akawalela, akawaitoria, mtano wematuke kufuma nyumba ila watuhu na wewinywa. 17Ikatisiwika ni wose, na Wayahudi na Wayonani, weikee Efeso; fole ikawaguia wose, na izina lakwe Mzuri Yesu likarumishwa. 18Weingi wawo weitikija wakaza, wekighamba kutekwa kwawo, wakawonya mihiro yawo. 19Nawo si wafaa weketie vindu visiwe vya usawi wakawunganya vyuo, wakavishota mesoni ha wose: wakatara kuzora kwawo, wakakuwona vya fetha maghana ikumi kando maghana masano. 20Huwo hena zinya kiteto kya Mzuri kikaneta kikalela.
21Vindu ivi vikinaidiwike, Paulo akagheshijia ngoroni, kuvetia ghati ya Umakedoni na Akaya, atonge Yerusalemi, ekiteta, Kutera kwa kuoka uko yaniwe kuwona Rumi pia. 22Akaingija ghati ya Umakedoni weri wemwindie, Timoteo na Erasto; akaikaa mwenye kadongo ghati ya Asia.
23Magheri ama kikaoka kilozo si kidongo hena nzia ii. 24Amu mundu, izina lakwe Demetrio, mshana‐fetha, earehie vinyumba vya fetha hena Artemi, akawaetie waaria mbucha si ndongo; 25akawawunganya, hamwe nawo wehira ndima iji, akaghamba, Wome, mwatisiwa ti hena ndima iyo tuna mali yetu. 26Nawa mwawona na mwasikia, ti si ghati ya Efeso tiki, kake ghati ya afuhi na Asia yose, Paulo uu ewaeleja na ewagharusha wandu weingi, ekiteta ti simo maizuwa, mearehiwe ni mikono: 27na hena ndenga, si ndima yetu tiki iwone kudawa, kake na hekalu la izuwa‐la‐kiche ibaha Artemi lisitarwe kindu, na wubaha wakwe uwone kuduhuka, eombwa ni Asia na masanga mose. 28Wekisikia wakaizua oro, wakaloza wekiteta, Mbaha Artemi wa Waefesi. 29Kiongo kyose kikaizua na kilozo: wakadindika hena ngoro mwe ghati ya teatro, wekitika nawo Gayo na Aristarko, Wamakedoni wezoka na Paulo. 30Paulo ekikunda kuingia hawo, wasiri wakamsuija. 31Wandu wa Waasiarko, wambuyae, wakamwingijia, wakamsemba asikung’ole ghati ya teatro. 32Huwo mondo wakaiya kindu iki, na mondo kindu kingi: amu matorana makalimana; nawo weingi tewetisiwe nikini wewunganyike. 33Wakamwete Iskander ghati ya matorano, Wayahudi wekimshukuma. Iskander akawakonyia mkono, akakunda kukurinda hena wandu. 34Wekimtisiwa ti Myahudi wose na ighonda imwe wakaloza sa saa mbiri, wekiiya, Mbaha Artemi wa Waefesi. 35Mtami‐wa‐kiongo ekinawahujije wandu, eghamba, Unywi wandu wa Efeso, mundi ani niye esitisiwe ti kiongo kya Waefesi kyarinda hekalu la Artemi mbaha, nalo liguie Kufuma Zeu. 36Ikioka vindu ivi teviidima kukanwa, yambe kuhoiya, nete musikete kindu hena usara. 37Amu mwaete uko wandu awa, wesioke wahiwi wa hekalu, nete warighi izuwa‐la‐kiche lenyu. 38Huwo kwakicha Demetrio nawo wafundi weoho hamwe naye wena kiteto wanga ya mundu, tuna machila, nawo Waprokonsuli weoho; walinganyane. 39Mukakunda kiteto hena vindu vingi, kinearehika ghati ya wunganyiko la aghanyo. 40Amu twaingia na ndenga tulinganywe hena kilozo iki kya yoo, tusioke na lukake tulung’ole hena kuwunganyika uku. 41Ekiteta ivi akasama wunganyiko.
Currently Selected:
Mihiro ya Waondo 19: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
