Mihiro ya Waondo 12
12
1Magheri mala Herode mfumwa akaronga mikono awarishe‐wasi wala wa kanisa. 2Akamkoma Yakobo mundwawo Yohana na muhande. 3Na amu ewonie kiwaiseja Wayahudi, akaongeja kumgura na Petro pia. (Niyo misi ya mabumunda mesifushwe). 4Ekinamgure, akambika kichungoni, akamng’ola hena asikari wamrinde wanne wanne: ekigheshijia kutera kwa Pasaka komng’ola hena wandu. 5Amu ii Petro akarindwa kichungoni: kake kwaketwa kuomba kusiiting’o kwa kanisa hena lwakwe. 6Na Herode ekinakunde kumng’ola, kio kila‐kila Petro eokie ekishinjia ghati na ghati ya asikari weri, echungwe na maluse meri: nawo warindi msongorana wa mbenge wakarinda kichungo. 7Malaika wa Mzuri akaimuka, kiangaji kikaangaja kichungoni, akambigha Petro msawajo, akambushija, ekiteta, Wuka wangu. Maluse makamguiya mikono. 8Malaika akamburra, Ukuchunge kikudi, uchunge viratu. Akaketa huwo. Akamburra, Ukugere suke uniratere. 9Akafuma, akamratera; asitisiwe ti nikyo kididi kyaketwa ni malaika; kake eghambie ti ewona ndoto. 10Wekinawetie rindo la kuwoka na la keri, wakaza hena mbenge ya menya yakijughuiya kiongo; ikawajughukia njenye; wakafuma, wakavetia na nzia mwe; chwii malaika akamshigha. 11Petro ekinagheshijie akaghamba, Ingeriaha natisiwa kididi, ti Mzuri eingija malaika wakwe, akaning’ola mkononi ha Herode, na kuyoiya kwose kwa wandu wa Wayahudi. 12Ekinakusare, akaizia nyumba yakwe Maryamu mee Yohana, mwenye izina la Marko; niho weingi wewunganyika wekiomba. 13Petro ekibigha luwi lwa mbenge, mbora akaza kusikija, izina lakwe Roda. 14Ekinatisiwe ighonda la Petro, tejughuaye mbenge hena luizihirwo, kake esara nyumbeni, akateta ti Petro eimuka mbengeni. 15Kake wakamburra, Wawukwa. Akateta na zinya ti ni huwo. Wakaghamba, Ni malaika wakwe. 16Petro akaneta kubigha: na wekinajughue wakambona, wakarighiwa. 17Naye, ekiwakonyia na mkono wahuje, akawatindia nize Mzuri amwete kufuma kichungoni. Akaghamba, Tongeni, mburreni Yakobo na wasiri vindu ivi. Akawuka, akatonga handu hengi. 18Ikinaoke heyawo, kikaoka kilozo si kidongo ghati ya asikari, eokieze Petro. 19Herode ekinamwende asimbone, akawawujanya warindi, akaaghanya wakomwe. Akasea kufuma Uyahudi mtano Kaisaria, akaikaa uko.
20Herode akareghija muno nawo wa Turo na Sidona: wakamzia na ngoro mwe, na wekiarehiana na Blasto mbaha wa nyumba ya mfumwa, wakakunda luworo; amu isanga lawo larishwa na isanga la mfumwa. 21Na musi wasawurwa, Herode edokie suke ya kifumwa akaikaa kiikaaoni ha ubaha, akawaarehia viteto. 22Wandu wakaloza wekiteta, Ighonda la Izuwa, nete si la mundu. 23Chwii malaika wa Mzuri akambigha, amu temwingaye Izuwa nganyi: akaliwa ni funja, akachika ngoro.
24Kiteto kyakwe Izuwa kikakua, kikaneta.
25Barnaba na Saul wakahunduka Yerusalemi wekinaidiwe ndima yawo, wakatika nawo Yohana, mwenye izina la Marko.
Currently Selected:
Mihiro ya Waondo 12: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Mihiro ya Waondo 12
12
1Magheri mala Herode mfumwa akaronga mikono awarishe‐wasi wala wa kanisa. 2Akamkoma Yakobo mundwawo Yohana na muhande. 3Na amu ewonie kiwaiseja Wayahudi, akaongeja kumgura na Petro pia. (Niyo misi ya mabumunda mesifushwe). 4Ekinamgure, akambika kichungoni, akamng’ola hena asikari wamrinde wanne wanne: ekigheshijia kutera kwa Pasaka komng’ola hena wandu. 5Amu ii Petro akarindwa kichungoni: kake kwaketwa kuomba kusiiting’o kwa kanisa hena lwakwe. 6Na Herode ekinakunde kumng’ola, kio kila‐kila Petro eokie ekishinjia ghati na ghati ya asikari weri, echungwe na maluse meri: nawo warindi msongorana wa mbenge wakarinda kichungo. 7Malaika wa Mzuri akaimuka, kiangaji kikaangaja kichungoni, akambigha Petro msawajo, akambushija, ekiteta, Wuka wangu. Maluse makamguiya mikono. 8Malaika akamburra, Ukuchunge kikudi, uchunge viratu. Akaketa huwo. Akamburra, Ukugere suke uniratere. 9Akafuma, akamratera; asitisiwe ti nikyo kididi kyaketwa ni malaika; kake eghambie ti ewona ndoto. 10Wekinawetie rindo la kuwoka na la keri, wakaza hena mbenge ya menya yakijughuiya kiongo; ikawajughukia njenye; wakafuma, wakavetia na nzia mwe; chwii malaika akamshigha. 11Petro ekinagheshijie akaghamba, Ingeriaha natisiwa kididi, ti Mzuri eingija malaika wakwe, akaning’ola mkononi ha Herode, na kuyoiya kwose kwa wandu wa Wayahudi. 12Ekinakusare, akaizia nyumba yakwe Maryamu mee Yohana, mwenye izina la Marko; niho weingi wewunganyika wekiomba. 13Petro ekibigha luwi lwa mbenge, mbora akaza kusikija, izina lakwe Roda. 14Ekinatisiwe ighonda la Petro, tejughuaye mbenge hena luizihirwo, kake esara nyumbeni, akateta ti Petro eimuka mbengeni. 15Kake wakamburra, Wawukwa. Akateta na zinya ti ni huwo. Wakaghamba, Ni malaika wakwe. 16Petro akaneta kubigha: na wekinajughue wakambona, wakarighiwa. 17Naye, ekiwakonyia na mkono wahuje, akawatindia nize Mzuri amwete kufuma kichungoni. Akaghamba, Tongeni, mburreni Yakobo na wasiri vindu ivi. Akawuka, akatonga handu hengi. 18Ikinaoke heyawo, kikaoka kilozo si kidongo ghati ya asikari, eokieze Petro. 19Herode ekinamwende asimbone, akawawujanya warindi, akaaghanya wakomwe. Akasea kufuma Uyahudi mtano Kaisaria, akaikaa uko.
20Herode akareghija muno nawo wa Turo na Sidona: wakamzia na ngoro mwe, na wekiarehiana na Blasto mbaha wa nyumba ya mfumwa, wakakunda luworo; amu isanga lawo larishwa na isanga la mfumwa. 21Na musi wasawurwa, Herode edokie suke ya kifumwa akaikaa kiikaaoni ha ubaha, akawaarehia viteto. 22Wandu wakaloza wekiteta, Ighonda la Izuwa, nete si la mundu. 23Chwii malaika wa Mzuri akambigha, amu temwingaye Izuwa nganyi: akaliwa ni funja, akachika ngoro.
24Kiteto kyakwe Izuwa kikakua, kikaneta.
25Barnaba na Saul wakahunduka Yerusalemi wekinaidiwe ndima yawo, wakatika nawo Yohana, mwenye izina la Marko.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.