Mihiro ya Waondo 11
11
1Waondo na wasiri weoho ghati ya Uyahudi wakasikia ti mbare pia weingwa kiteto kya Izuwa. 2Petro ekinakwee Yerusalemi wala wa kutawana wakadewerana naye, 3wekiteta, Uingie hawo wasitawanwe, ukala nawo. 4Niho Petro akaliya mburi too kuwoka, akawatindia hena mitongie ekiteta, 5niokie ghati ya kiongo kya Yoppa nikiomba, nikasokea ngoro, nikawona ndoto, Kindu kikasea, sa nguo mbaha, kyasejwa kufuma wanga hena nganda nne; kikanizia. 6Nikakiyoa na meso, nikagheshijia, nikawona nyama ja masanga jina maghu manne, na nyama ja shighati, na jibultika, na ndeghe ja wanga. 7Nikasikia ighonda laniwurra, Wuka, Petro, sinza ule. 8Nikaghamba, Hai, Mzuri, amu kindu kiwiwi kana kina‐ikwe tekiingia itumbuni hangu deng’e. 9Ighonda likanitalwawa kufuma wanga, Vila evizerrija Izuwa, usivitete vina‐ikwe. 10Ivi vikaketika kandu katatu, vyose vikakwejwawa wanga. 11Na yoa, chwii weokie wandu watatu weidiwa kufika nyumbeni nioho, wetumwa hangu kufuma Kaisaria. 12Ngoma akaniwurra nitonge nawo, nisiitalwe; Nawo wasiri awa watandatu wakaraterana nami, tukaingia nyumbeni ha mundu: 13akatuwonya nize ewonie malaika nyumbeni, eimuke akamburra, Tuma wandu mtano Yoppa, umwitange Siman, ena izina Petro; 14Enekuwurra viteto, nawe na nyumba yako yose wenekijwa navyo. 15Na nikiwoka kuteta, Ngoma Mshenete akawaguiya, sa wanga yetu kuwoka. 16Nikakumbuka kiteto kyakwe Mzuri, ekiteta, Yohana ebatize hena mbombe, kake unywi munebatizwa na Ngoma Mshenete. 17Na amu Izuwa ewaingie kiingwa kimwe sandu etuingie uswi, tumwitikije Mzuri Yesu Masihi; nimi niani, nilelane na Izuwa? 18Wekisikia vindu ivi, wakahuja, wakamrumisha Izuwa, wekiteta, Na hena mbare pia Izuwa eng’ola kuchwamuti hena moo.
19Na wala weghawanyike hena kukinywa kwambukie Stefano wakazoka mtano Foiniki, na Kupro, na Antiokia, wasitinde kiteto nde hena Wayahudi tiki. 20Wengi wawo wakaoka wandu wa Kupro na Kurene, nawo wekinafike Antiokia, wakateta na Wahelenisti, wekitinda Mzuri Yesu. 21Mkono wa Mzuri ukaoka hamwe nawo, weingi muno wakaitikija, wakamgharukia Mzuri. 22Mburi ya vindu ivi ikafika masikioni ha kanisa lioho Yerusalemi: wakamtuma Barnaba, atonge mtano Antiokia. 23Naye ekinafike, na ekinawone mvono wa Izuwa, akaizihirwa akawatindia, wagurane na Mzuri na tiri ya ngoro. 24Amu eokie mundu wedi, akaizua na Ngoma Mshenete na luitikijo: wandu weingi wakaongejika hena Mzuri. 25Niho Barnaba akafuma kutonga Tarso, amwende Saul: 26Ekiidiwa kumbona akamwete mtano Antiokia. Ikaoka, mwaka mzima wakawunganyika na kanisa wakalosha wandu weingi. Waanalosha wakaitangwa Wamasihiya kuwoka ghati ya Antiokia.
27Misi ila wakaza waroti kufuma Yerusalemi mtano Antiokia. 28Akaimuka mwe wawo, izina lakwe Agabo, akawonya hena Ngoma ti ineoka nzaa mbaha ghati ya masanga: ikaoka magheri ma Klaudio Kaisari. 29Waanalosha, mundu ose hena zinya yakwe, wakala ngiliwata kuingija maghenjo hena wasiri weikee ghati ya Uyahudi. 30Wakaketa huwo, wakaingija hena waghosi, hena mkono wa Barnaba na Saul.
Currently Selected:
Mihiro ya Waondo 11: TAVETA
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
Mihiro ya Waondo 11
11
1Waondo na wasiri weoho ghati ya Uyahudi wakasikia ti mbare pia weingwa kiteto kya Izuwa. 2Petro ekinakwee Yerusalemi wala wa kutawana wakadewerana naye, 3wekiteta, Uingie hawo wasitawanwe, ukala nawo. 4Niho Petro akaliya mburi too kuwoka, akawatindia hena mitongie ekiteta, 5niokie ghati ya kiongo kya Yoppa nikiomba, nikasokea ngoro, nikawona ndoto, Kindu kikasea, sa nguo mbaha, kyasejwa kufuma wanga hena nganda nne; kikanizia. 6Nikakiyoa na meso, nikagheshijia, nikawona nyama ja masanga jina maghu manne, na nyama ja shighati, na jibultika, na ndeghe ja wanga. 7Nikasikia ighonda laniwurra, Wuka, Petro, sinza ule. 8Nikaghamba, Hai, Mzuri, amu kindu kiwiwi kana kina‐ikwe tekiingia itumbuni hangu deng’e. 9Ighonda likanitalwawa kufuma wanga, Vila evizerrija Izuwa, usivitete vina‐ikwe. 10Ivi vikaketika kandu katatu, vyose vikakwejwawa wanga. 11Na yoa, chwii weokie wandu watatu weidiwa kufika nyumbeni nioho, wetumwa hangu kufuma Kaisaria. 12Ngoma akaniwurra nitonge nawo, nisiitalwe; Nawo wasiri awa watandatu wakaraterana nami, tukaingia nyumbeni ha mundu: 13akatuwonya nize ewonie malaika nyumbeni, eimuke akamburra, Tuma wandu mtano Yoppa, umwitange Siman, ena izina Petro; 14Enekuwurra viteto, nawe na nyumba yako yose wenekijwa navyo. 15Na nikiwoka kuteta, Ngoma Mshenete akawaguiya, sa wanga yetu kuwoka. 16Nikakumbuka kiteto kyakwe Mzuri, ekiteta, Yohana ebatize hena mbombe, kake unywi munebatizwa na Ngoma Mshenete. 17Na amu Izuwa ewaingie kiingwa kimwe sandu etuingie uswi, tumwitikije Mzuri Yesu Masihi; nimi niani, nilelane na Izuwa? 18Wekisikia vindu ivi, wakahuja, wakamrumisha Izuwa, wekiteta, Na hena mbare pia Izuwa eng’ola kuchwamuti hena moo.
19Na wala weghawanyike hena kukinywa kwambukie Stefano wakazoka mtano Foiniki, na Kupro, na Antiokia, wasitinde kiteto nde hena Wayahudi tiki. 20Wengi wawo wakaoka wandu wa Kupro na Kurene, nawo wekinafike Antiokia, wakateta na Wahelenisti, wekitinda Mzuri Yesu. 21Mkono wa Mzuri ukaoka hamwe nawo, weingi muno wakaitikija, wakamgharukia Mzuri. 22Mburi ya vindu ivi ikafika masikioni ha kanisa lioho Yerusalemi: wakamtuma Barnaba, atonge mtano Antiokia. 23Naye ekinafike, na ekinawone mvono wa Izuwa, akaizihirwa akawatindia, wagurane na Mzuri na tiri ya ngoro. 24Amu eokie mundu wedi, akaizua na Ngoma Mshenete na luitikijo: wandu weingi wakaongejika hena Mzuri. 25Niho Barnaba akafuma kutonga Tarso, amwende Saul: 26Ekiidiwa kumbona akamwete mtano Antiokia. Ikaoka, mwaka mzima wakawunganyika na kanisa wakalosha wandu weingi. Waanalosha wakaitangwa Wamasihiya kuwoka ghati ya Antiokia.
27Misi ila wakaza waroti kufuma Yerusalemi mtano Antiokia. 28Akaimuka mwe wawo, izina lakwe Agabo, akawonya hena Ngoma ti ineoka nzaa mbaha ghati ya masanga: ikaoka magheri ma Klaudio Kaisari. 29Waanalosha, mundu ose hena zinya yakwe, wakala ngiliwata kuingija maghenjo hena wasiri weikee ghati ya Uyahudi. 30Wakaketa huwo, wakaingija hena waghosi, hena mkono wa Barnaba na Saul.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.