2 Timoti 4
4
1Ndikukulagidza idzi pa miiho ga Nguluvi, na pa miiho ga Kilisiti Yesu, ye alavahiga avuumi na ávafuwe, kangi iikwadza mu kutema, pakuva ali Mutwa. 2Udalikage ilidzwi lya Nguluvi, ulimage ulo umusika ugwivagila nu ugusiivagila. Uvakenyelage, uvawungage aviikwangula, uvakangadzage ni mbulanidzo mu wisamutima wonda. 3Ulimage ewo, pakuva gulaadza umusika avaanu pe vasilaapulikidza imbulanidzo dza ndakyene. Valaasaka ukupulikidza amadzwi agakuvakeeledza swe, nu kuhaagula avawulanidzi voloofu va kuvawulanidza dze viikeela hiilo ukupulika. 4Valaakaana ukupulikidza indakyene, valaaseedukila isimo dzaahela. 5Lino uveeve uvedzage munya kwiwopa mu ngʼaani dzonda. Wiigugumidzage mu mumuko, ulimage amalimo ga kudalika iMola iNofu ya Nguluvi, ulimage wunofu mu wulimila-vangi waako wonda.
6Ndikukulongela idzo, pakuva idanda yangu yili biihi ukutawulwa ngita difwayi iyiisopwa pa wusembe.#4:6 Difwayi iyiisopwa pa wusembe Mu wusembe wa Vayahudi, idifwayi kyali kiinu ikya wusililo ukusopwa mu wusembe pe wusinaa wunyaanywa, Kuhega 29:38-41. Kwe kutigila, umusika gwangu gwa kufuwa guli biihi. 7Ndíhomile amagoha manofu, ndímalile ulugendo, kangi ndíloleeliye ulufuuwo lwesu. 8Lino lúsigiye ukuyaanukila ingeela ya wugolofu, ye yeene uMutwa, umuhidzi ye mugolofu, alaameela ikigono ikya luhigo, sindimwene hela, nda haamu, alavapeela navo vonda aviihuuvila ukwadza kwakwe.
Amadzwi ga wusililo
9Timoti, waangupage ukwadza ukwangu, 10pakuva uDema áandekile, áheliye ku wudzenge wa Tesalonike. Álimile ewo, pakuva áwukeeliye uwudobofu wa nyi. Kangi uKilesike áheliye ku mugoola gwa Galatya, uTito áheliye ku mugoola gwa Dalamatya. 11Yu Luka mwene, ye ali apa pamwinga naane. Lino waadzasage nu Maluko, pakuva ahadza akuunanga mu malimo ga Nguluvi. 12UTikiko, ndikamutumile ku wudzenge wa Efeso. 13Pe wiivedza wiikwadza, waadzage ni likoote lyangu lye ndalilekile kwa Kalipo ku Tolowa uko, kangi waadzage ni fitabu fyangu, hiilo ifya ngwembe ifyo.
14UAlekisanda umupondzi va fyuma, áandimiye imbiifu ndzoloofu. UMutwa ahadza akumuhiga wiimila wa malimo gaakwe. 15Na yuuve wiiyangalilage nu muunu uyo, pakuva akiibeedzaga hiilo imbulanidzo dzeesu. 16Ulwa kutala pe ndaakaanaga pa luhigilo, asaali pwali nambe muunu yumwinga uva kuunanga, vonda vaandekile. UNguluvi atanage ukuviidikila ulukaani ulo. 17Neke kangi uMutwa aali pamwinga naane, akuumeelaga ingufu dza kudalika ilidzwi mu wukwilifu wonda, ukuta avaanu vonda avasili Vayahudi vapulike. UMutwa akuumokaga mu fuwa, pakuva ndaali ngita ndili mu mulomo gwa nyalupala.#Ndzimbililo 22:22 18UMutwa alaamoka mu mbiifu dzonda nu kuundoleela, ukufikila pe ndiifika ku wutwa waakwe uwa kukyanya. Indolo apeelwage umwene mbeepali na mbeepali. Eena.
19Uvahungilage uPulisila nu Akila na va mu nyumba iya Onesifolo. 20UElasito ásigiye ku wudzenge wa Kolindo. UTulofimo ndamulekile ku Mileto, pakuva aali mutamwa. 21Lino, waangupage ukwadza pe gusinaa gufikila umusika gwa ngʼaala. UEwubulo, uPude, uLinusi nu Kilawudya, pamwinga na vafuuwa vonda, vakukuhungila.
22UMutwa avedzage naave. Ulusungu lwakwe luvedzage naanye nyivonda.
Currently Selected:
2 Timoti 4: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
2 Timoti 4
4
1Ndikukulagidza idzi pa miiho ga Nguluvi, na pa miiho ga Kilisiti Yesu, ye alavahiga avuumi na ávafuwe, kangi iikwadza mu kutema, pakuva ali Mutwa. 2Udalikage ilidzwi lya Nguluvi, ulimage ulo umusika ugwivagila nu ugusiivagila. Uvakenyelage, uvawungage aviikwangula, uvakangadzage ni mbulanidzo mu wisamutima wonda. 3Ulimage ewo, pakuva gulaadza umusika avaanu pe vasilaapulikidza imbulanidzo dza ndakyene. Valaasaka ukupulikidza amadzwi agakuvakeeledza swe, nu kuhaagula avawulanidzi voloofu va kuvawulanidza dze viikeela hiilo ukupulika. 4Valaakaana ukupulikidza indakyene, valaaseedukila isimo dzaahela. 5Lino uveeve uvedzage munya kwiwopa mu ngʼaani dzonda. Wiigugumidzage mu mumuko, ulimage amalimo ga kudalika iMola iNofu ya Nguluvi, ulimage wunofu mu wulimila-vangi waako wonda.
6Ndikukulongela idzo, pakuva idanda yangu yili biihi ukutawulwa ngita difwayi iyiisopwa pa wusembe.#4:6 Difwayi iyiisopwa pa wusembe Mu wusembe wa Vayahudi, idifwayi kyali kiinu ikya wusililo ukusopwa mu wusembe pe wusinaa wunyaanywa, Kuhega 29:38-41. Kwe kutigila, umusika gwangu gwa kufuwa guli biihi. 7Ndíhomile amagoha manofu, ndímalile ulugendo, kangi ndíloleeliye ulufuuwo lwesu. 8Lino lúsigiye ukuyaanukila ingeela ya wugolofu, ye yeene uMutwa, umuhidzi ye mugolofu, alaameela ikigono ikya luhigo, sindimwene hela, nda haamu, alavapeela navo vonda aviihuuvila ukwadza kwakwe.
Amadzwi ga wusililo
9Timoti, waangupage ukwadza ukwangu, 10pakuva uDema áandekile, áheliye ku wudzenge wa Tesalonike. Álimile ewo, pakuva áwukeeliye uwudobofu wa nyi. Kangi uKilesike áheliye ku mugoola gwa Galatya, uTito áheliye ku mugoola gwa Dalamatya. 11Yu Luka mwene, ye ali apa pamwinga naane. Lino waadzasage nu Maluko, pakuva ahadza akuunanga mu malimo ga Nguluvi. 12UTikiko, ndikamutumile ku wudzenge wa Efeso. 13Pe wiivedza wiikwadza, waadzage ni likoote lyangu lye ndalilekile kwa Kalipo ku Tolowa uko, kangi waadzage ni fitabu fyangu, hiilo ifya ngwembe ifyo.
14UAlekisanda umupondzi va fyuma, áandimiye imbiifu ndzoloofu. UMutwa ahadza akumuhiga wiimila wa malimo gaakwe. 15Na yuuve wiiyangalilage nu muunu uyo, pakuva akiibeedzaga hiilo imbulanidzo dzeesu. 16Ulwa kutala pe ndaakaanaga pa luhigilo, asaali pwali nambe muunu yumwinga uva kuunanga, vonda vaandekile. UNguluvi atanage ukuviidikila ulukaani ulo. 17Neke kangi uMutwa aali pamwinga naane, akuumeelaga ingufu dza kudalika ilidzwi mu wukwilifu wonda, ukuta avaanu vonda avasili Vayahudi vapulike. UMutwa akuumokaga mu fuwa, pakuva ndaali ngita ndili mu mulomo gwa nyalupala.#Ndzimbililo 22:22 18UMutwa alaamoka mu mbiifu dzonda nu kuundoleela, ukufikila pe ndiifika ku wutwa waakwe uwa kukyanya. Indolo apeelwage umwene mbeepali na mbeepali. Eena.
19Uvahungilage uPulisila nu Akila na va mu nyumba iya Onesifolo. 20UElasito ásigiye ku wudzenge wa Kolindo. UTulofimo ndamulekile ku Mileto, pakuva aali mutamwa. 21Lino, waangupage ukwadza pe gusinaa gufikila umusika gwa ngʼaala. UEwubulo, uPude, uLinusi nu Kilawudya, pamwinga na vafuuwa vonda, vakukuhungila.
22UMutwa avedzage naave. Ulusungu lwakwe luvedzage naanye nyivonda.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.