2 Timoti 3
3
Uwuhosi mu figono fya wusililo
1Lino uludzeelage ukutigila, ifigono fya wusililo filaadza imisika imitalamu. 2Avaanu valiiyendaga veene, valaavedza nu wudobofu wa magoobeli, nu lwinunumulo, nu wiiginisi, aviilonga fivi, avanya lukana ku vavaha vaawo, avangaya luhongedzo nu wiimike. 3Kangi avo valaavedza vangaya wende, vangaya lwiteepulo, vanya maligo, vangaya kwiwopa, vatalamu, vasiikeela inofu, 4viisutula, viilima amalimo kitahoodza ulwihumila kuwutalo, vanya kidada, valaaleka ukumwenda uNguluvi wiimila wa wudobofu wa nyi. 5Avaanu avo, viiwoneka mwivala ngita vakumuginiya uNguluvi, neke kangi mu numbula dzaawo viikaana ingufu dzaakwe. Wiiyefyage na vaanu ndawuli avo.
6Mu avo, moovali aviikwingila nu wugulume uwuviifu mu nyumba dza vaanu, nu kugalula uluhala lwa vamwayuuva avapuva, avahoyamiidzwe ni ndzanangifu dzaawo, nu kulongodzwa nu wudobofu uwuli poloofu. 7Avamwayuuva avo vakwiwulanidza mbeepali, neke kangi viilemelelwa ngʼaani ukuyifika indakyene. 8Avaanu avo vakuvadzanga avamwayuuva, viibeedza indakyene ngita uYane nu Yambule#3:8 UYane nu Yambule Yiiwoneka ukutigila, avaanu ava ve veene avaali vayavi-migoda va mutwa Fwalawo mu nyi ya Misili, Kuhega 7:11-12, 22; 8:18-19. kye vamubeedziidze uMose. Avaanu avo vali nu luhala úluhenile, lwe lwene ulufuuwo lwawo lungaya luwumbulilo. 9Nda haamu, vasiifika pepavedzaga, pakuva uwupuva waawo wuhadza wiidzeeleka pa weelu ku vaanu vonda, ngita kye lwali kwa Yane nu Yambule.
Indagiilidzo dza Pawulo kwa Timoti
10Neke kangi úniniiliye imbulanidzo dzangu, imigendele, uwugulume, ulufuuwo, uwisamutima, uwende nu lwigugumidzo lwangu. 11Wiidzeela ukutigila, avaanu vaandimiye wuviifu nu kuumumusa pe ndaali ku wudzenge wa Andyokya, Ikoniyo ni Lisitila. Kangi wiidzeela ukutigila, ndiigugumidzaga mu nalamu dzonda, neke kangi uMutwa aamokage mu dzonda idzo. 12Eena, avafuuwa vonda va Kilisiti Yesu aviisaka ukwikala imiikalile gya kumuginiya uNguluvi, vahadza viipumuswa. 13Neke kangi avaanu avahosi na vadzandzi, vahadza viiginalidza uwuviifu waawo, viidzangaga nu kudzangwa vaveene.
14Neke kangi uveeve wiikalage mu idzo dze waawulaniidzwe nu kudzifuuwa mu wumasimike, pakuva wiidzeela ve va ani avakuwulaniidze. 15Ukuhuma pa waana úwudzeeliye uWusimbe uWiimike, úwuhwanile ukukupeela uluhalawukagudzi lwa kwanukila uwupoki wugendela wa kumufuuwa uKilisiti Yesu. 16UWusimbe uWiimike wonda wúsimbiilwe mu wulongodzi wa Nguluvi. Uwo wiivagila ukuwulanidza indakyene, ukuvakenyela avaanu uwuhosi waawo, ukuvapitusa aviikwangula nu kuvalongodza vavedzage vagolofu. 17Pa lwene ulo, umuunu va Nguluvi iivedza ákwiliye nu kugelanidzwa ukugalima amalimo gonda amanofu.
Currently Selected:
2 Timoti 3: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
2 Timoti 3
3
Uwuhosi mu figono fya wusililo
1Lino uludzeelage ukutigila, ifigono fya wusililo filaadza imisika imitalamu. 2Avaanu valiiyendaga veene, valaavedza nu wudobofu wa magoobeli, nu lwinunumulo, nu wiiginisi, aviilonga fivi, avanya lukana ku vavaha vaawo, avangaya luhongedzo nu wiimike. 3Kangi avo valaavedza vangaya wende, vangaya lwiteepulo, vanya maligo, vangaya kwiwopa, vatalamu, vasiikeela inofu, 4viisutula, viilima amalimo kitahoodza ulwihumila kuwutalo, vanya kidada, valaaleka ukumwenda uNguluvi wiimila wa wudobofu wa nyi. 5Avaanu avo, viiwoneka mwivala ngita vakumuginiya uNguluvi, neke kangi mu numbula dzaawo viikaana ingufu dzaakwe. Wiiyefyage na vaanu ndawuli avo.
6Mu avo, moovali aviikwingila nu wugulume uwuviifu mu nyumba dza vaanu, nu kugalula uluhala lwa vamwayuuva avapuva, avahoyamiidzwe ni ndzanangifu dzaawo, nu kulongodzwa nu wudobofu uwuli poloofu. 7Avamwayuuva avo vakwiwulanidza mbeepali, neke kangi viilemelelwa ngʼaani ukuyifika indakyene. 8Avaanu avo vakuvadzanga avamwayuuva, viibeedza indakyene ngita uYane nu Yambule#3:8 UYane nu Yambule Yiiwoneka ukutigila, avaanu ava ve veene avaali vayavi-migoda va mutwa Fwalawo mu nyi ya Misili, Kuhega 7:11-12, 22; 8:18-19. kye vamubeedziidze uMose. Avaanu avo vali nu luhala úluhenile, lwe lwene ulufuuwo lwawo lungaya luwumbulilo. 9Nda haamu, vasiifika pepavedzaga, pakuva uwupuva waawo wuhadza wiidzeeleka pa weelu ku vaanu vonda, ngita kye lwali kwa Yane nu Yambule.
Indagiilidzo dza Pawulo kwa Timoti
10Neke kangi úniniiliye imbulanidzo dzangu, imigendele, uwugulume, ulufuuwo, uwisamutima, uwende nu lwigugumidzo lwangu. 11Wiidzeela ukutigila, avaanu vaandimiye wuviifu nu kuumumusa pe ndaali ku wudzenge wa Andyokya, Ikoniyo ni Lisitila. Kangi wiidzeela ukutigila, ndiigugumidzaga mu nalamu dzonda, neke kangi uMutwa aamokage mu dzonda idzo. 12Eena, avafuuwa vonda va Kilisiti Yesu aviisaka ukwikala imiikalile gya kumuginiya uNguluvi, vahadza viipumuswa. 13Neke kangi avaanu avahosi na vadzandzi, vahadza viiginalidza uwuviifu waawo, viidzangaga nu kudzangwa vaveene.
14Neke kangi uveeve wiikalage mu idzo dze waawulaniidzwe nu kudzifuuwa mu wumasimike, pakuva wiidzeela ve va ani avakuwulaniidze. 15Ukuhuma pa waana úwudzeeliye uWusimbe uWiimike, úwuhwanile ukukupeela uluhalawukagudzi lwa kwanukila uwupoki wugendela wa kumufuuwa uKilisiti Yesu. 16UWusimbe uWiimike wonda wúsimbiilwe mu wulongodzi wa Nguluvi. Uwo wiivagila ukuwulanidza indakyene, ukuvakenyela avaanu uwuhosi waawo, ukuvapitusa aviikwangula nu kuvalongodza vavedzage vagolofu. 17Pa lwene ulo, umuunu va Nguluvi iivedza ákwiliye nu kugelanidzwa ukugalima amalimo gonda amanofu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.