2 Vakolindo 3
3
Uwulimila-vangi uwupiya
1Mwihoodza ukutigila, túvangile kangi ukwikundiilidza ukwenyo? Nda, uneefwe tusili ndawuli avaanu avangi avakuvaleetela ihaate dza kwikundiilidza ukutigila, viidihidzwe ukwenyo, enewuli ukwanukila ihaate idzo ukuhuma ukwenyo. 2Unyeenye ye haate iyikututambudza uneefwe, íyisimbiilwe mu numbula dzeesu, iyiikagulika nu kwimbwa na vaanu vonda. 3Mwiwoneesa ukutigila, unyeenye ye haate ye aasimbile uKilisiti yumwene wiimila wa wulimila-vangi weesu. Ihaate iyo yisili ngita íyisimbiilwe nu wino, nda haamu, yísimbiilwe nu Mubepo va Nguluvi umuumi. Kangi musili ngita haate íyisimbiilwe mu fibawo fya maganga,#Kuhega 31:18 nda haamu, íyisimbiilwe mu numbula dza vaanu.#Yelemya 31:33; Esekyeli 36:26-27
4Wugendela mwa Kilisiti, ulo lwe luhuuvilo lwesu pa miiho ga Nguluvi. 5Si kutigila twihoodza ukutigila, twilima kikivedzaga mu ludali lwesu yuufwe, nda haamu, uludali lwesu lwihuma kwa Nguluvi. 6Umwene ye mwene ye átupeeliye uludali lwa kuvedza valimila-vangi va lufingo ulupiya. Ulo silwihuma mu milagililwe gya Mose#3:6 Milagililwe gya Mose Lole Imilagililwe gya Mose ku Figanulo. igyasimbiilwe, pakuva imilagililwe giileeta ifuwa, nda haamu, uMubepo uMwimike iileeta uwuumi.
Indolo dza wulimila-vangi uwupiya
7Imilagililwe gya Mose igyasimbiilwe mu maganga, igyaleetile ifuwa, gyadzile mu ndolo idziingʼaala, ukufikila aVaisilaheli pe viilemwa ukumulola uMose ku miiho, nde dzivedze indolo idzo dzaangʼaalile musika mudebe hela.#Kuhega 34:29-30 Ngana amalimo ga milagililwe agiihula ifuwa, gaadzile mu ndolo ngita idzo, 8ongo, lino uwulimila-vangi wa Mubepo uMwimike wusivedza ni ndolo ídzilutiye? 9Ongo, ngana amalimo ago agakuvahambusa avaanu ukuhigwa gali ni ndolo, lino uwulimila-vangi uwukuvahambusa avaanu ukuvedza vagolofu pa miiho ga Nguluvi, wusivedza ni ndolo ídzilutiye? 10Pakuva indolo dza milagililwe dzíyagaaniike, kuteganidza nu woloofu wa ndolo dza Mubepo idzingaya kigelelo. 11Ngana amalimo ago agiikalile mu musika mudebe hela gaali ni ndolo, lino uwulimila-vangi wa Mubepo uMwimike uwukwikala mbeepali wiivedza ni ndolo ngomi ídzilutiye!
12Lino, pakuva ulo lwe lwene uluhuuvilo lwesu, twilima nu wukangafu. 13Kangi uneefwe tusiilima ngita uMose ye iigubiike akenda ku miiho, ukuta aVaisilaheli vatane ukungʼanukila uwudugilo wa ndolo uwaadzimiililaga.#Kuhega 34:29-35 14Neke kangi uluhala lwawo lwapufiidzwe vatane ukuyifika indakyene. Ukufikila ineengʼuli, pe viikwimba ifitabu fya milagililwe gya Mose, viilemwa ukuyidzeela indakyene yaakwe, nda haamu, viivedza ngita vágubiikwe na kenda ako. Akenda ako kiihedzwa hela, umusika umuunu pe akumufuuwa uKilisiti. 15Nda haamu, ukufikila ineengʼuli, pe viikwimba ifitabu fya milagililwe gya Mose, akenda kiigubika inumbula dzaawo, viilemwa ukulufika. 16Neke kangi umuunu pe akumupitukila uMutwa Yesu, akenda ako kiihedzwa. 17UMutwa uyo ye Mubepo, na pe agenda uMubepo va Mutwa apo pali nu wuvangwa. 18Lino uneefwe twivonda ye tusinaa tugubikwa ku miiho na kenda, twiwoneesa indolo dza Mutwa ngita kinyawiilole ve kiiwoneesa uluhwano. UMutwa ye Mubepo, ye mwene ye akutuhambusa, ukuta tuhwanane nu mwene. Akutuhambusaga ukuhuma indolo ukufikila ku ndolo ingomi hiilo.
Currently Selected:
2 Vakolindo 3: BEZ
Highlight
Copy
Compare
Share
Want to have your highlights saved across all your devices? Sign up or sign in
© 2022 Wycliffe Bible Translators, Inc. All rights reserved.
